Nga Pekini, Edmond Laçi
Kina rikthen studentët e huaj. Pasi gati dy vitesh e gjysëm online, autoritetet kineze kanë vendosur të rikthejnë në auditore, përveç miliona studentëve vendas, edhe rreth 500 mijë të huaj, të cilët zgjedhin të arsimohen në universitetet e gjigandit aziatik. Njoftimi është bërë i ditur nga ambasadat kineze në mjaft vende të globit, përfshirë edhe atë të Tiranës, e cila prej një jave ka shpallur rifillimin e pranimit të aplikimeve për viza për studime afatgjata, të cilat përfshijnë programet studimore me më shumë se 180 ditë, bachelor, master dhe doktoraturë. Madje aplikimet janë hapur edhe bashkëshorti/en, prindërit, fëmijët nën moshën 18 vjeç, prindërit e bashkëshorëve, të atyre që kanë vizë studentore (X1) ose janë mbajtës të lejes së qëndrimit për studim etj.
Lajmi është pritur me entuziazëm nga studentë nga i gjithë globi. Fluksi i të huajve që zgjedhin të studiojnë në këtë vend çdo vit është vazhdimisht në rritje, aq sa sot Kina është destinacioni i tretë në botë për studentët ndërkombëtarë, pas ShBA dhe Britanisë së Madhe. Me mbi 18.4 milionë mësues në mbi 520 mijë shkolla, ku arsimohen rreth 257 milionë nxënës, Kina është në fakt sistemi arsimor më i madh në botë. Ky vend e ka kaluar tashmë objektivin e shpenzimit të 4 për qind të PBB-së për arsimin, ndërsa numri i kolegjeve dhe universiteteve është dyfishuar gjatë dekadës së fundit, duke arritur në rreth 2.900 aktualisht. Përveç këtyre, qeveria kineze po stimulon shumë edhe kërkimin në universitetet më të mira në vend, duke u shpwrndarw atyre rreth 10 pwr qind të buxhetit kombëtar të kërkimit të Kinës.
Ndonëse numri i studentëve shqiptarë që studiojnë në Kinë është ende shumë i vogël, për disa prej fqinjëve tanë (anëtarë të BE-së), ai është kthyer në destinacionin kryesor. Mjafton të përmendim Italinë, ku me rreth 5.600 studentë, Kina zë vendin e parë mes të gjitha vendeve të tjera nëpër botë që frekuentohen nga të rinjtë italianë. Tashmë studentët e huaj nga të gjitha kontinentet mbërrijnë në Kinë për të mësuar jo vetëm gjuhën e kulturën, por edhe teknologjitë e përparuara. Në renditjen e fundit për universitetet më të mira në botë, ato kineze po pësojnë një rritje spektakolare nga viti në vit. Në raportin e fundit të “World University Rankings”, Tsinghua renditet i 16-ti në botë, ndërsa mes 4 universiteteve që futen për herë të parë në listën e 50 më të mirëve, është edhe ai i Zhejiang, i cili nga vendi i 52-të
vetëm një vit më parë, klasifikohet i 36-ti. Edhe mes 7 universiteteve që futen në “Top 100”, dy janë kinezë, ai i Shkencës e Teknologjisë në Huazhong dhe universiteti i Hong Kongut. Plot universitete të tjera, si ai i Pekinit, Jiao Tong apo Fudan në Shanghai, ato në Sishuan, Guangxi, Nanjing, Guangzhou, Harbin etj., tashmë janë një ëndërr jo vetëm për studentët vendas, por edhe për ata ndërkombëtarë.
Pas më shumë se dy vitesh online, duket se më në fund sezoni i ri universitar, do t’i rikthehet normalitetit. Madje Provimi Kombëtar i Hyrjes në Universitet, i njohur si “gaokao” në gjuhën kineze, këtë vit u hap me pjesëmarrjen e rreth 12 milion të rinjve, duke vendosur një rekord të ri. Ndërkohë që vetëm vitin kaluar Kina regjistroi 10.76 milion të diplomuar. Aq të “uritur” janë kinezët për arsimin e lartë, sa që deri para shpërthimit të Covid 19, në Kinë ishin akorduar edhe rreth 11 milionë kuota vetëm për studentët e moshuar, 50 për qind e të cilëve nga 60 deri në 69 vjeç. Kina është e gatshme të të befasojë edhe në arsim... (CRI)
Lajme të tjera
-
Kina thotë se SHBA-ja po 'luan me zjarrin', për shkak të mbështetjes së Tajvanit
22 Dhjetor, 15:15 -
Publikohet emri dhe fotoja e spiunit kinez me të cilin dyshohet se ka bashkëpunuar Princi Andrew
16 Dhjetor, 17:20 -
BE-ja miraton sanksione të reja ndaj Rusisë, përfshin edhe entitete kineze
16 Dhjetor, 14:31 -
‘Lufta’ tregtare, Kina përgatitet për negociata me SHBA
13 Dhjetor, 13:56
-
Konfirmohen akuzat për korrupsion dhe trukim ndeshjesh, Kina burgos me 20 vite ish-trajnerin e kombëtares
13 Dhjetor, 11:30 -
Trump fton në inaugurimin e tij udhëheqësin kinez Xi Jiping
12 Dhjetor, 20:16 -
Presidenti kinez: Lufta tregtare me SHBA-në nuk do të ketë fitues
10 Dhjetor, 08:18 -
Anketimi: Shumica e amerikanëve dëshirojnë rolin drejtues të Shteteve të Bashkuara në skenën globale
7 Dhjetor, 15:29 -
Hetimi i Kongresit amerikan mbi Covid-19: Jo virus natyral, rrodhi nga laboratori i Wuhan-it në Kinë
4 Dhjetor, 18:42 -
SHBA, kufizon eskportet e pajisjeve që mund të përdorë Kina për armatimet
2 Dhjetor, 23:00 -
E bleu 6.2 milionë dollarë në një ankand, miliarderi Justin Sun ha bananen ‘Comedian’ (VIDEO)
29 Nëntor, 21:46 -
Kina dhe Rusia kryejnë patrullim të përbashkët ajror mbi Detin e Japonisë
29 Nëntor, 11:32
