POP 5

Lajmet më të lexuara të 5 minutave të fundit

Sport

Pas hekurave për sulm seksual, Dani Alves ndërron tre herë dëshminë dhe e pranon pas pamjeve filmike

Ish-mbrojtësi i Barcelonës dhe shumë klubeve të tjera, Dani Alves është pas hekurave në Spanjë për sulm seksual.

Pas hekurave për sulm seksual, Dani Alves ndërron tre herë dëshminë dhe e pranon pas pamjeve filmike

Dani Alves

Ish-mbrojtësi i Barcelonës dhe shumë klubeve të tjera, Dani Alves është pas hekurave në Spanjë për sulm seksual. 39-vjeçari është akuzuar nga një e re se në mbrëmjen e 28 dhjetorit 2022 ka abuzuar seksualisht me të në një klub të Barcelonës. Prej tre ditësh mbrojtësi është pas hekurave, ndërsa ka ndryshuar tre herë versionin e ngjarjeve dhe ka pranuar thuajse gjithçka pas pamjeve filmike.

Në dëshminë e parë, Alves tha se nuk e njihte vajzën në fjalë, teksa ndryshoi versionin e ngjarjeve kur u ndalua nga policia dhe iu bë e qartë se kishte dëshmitarë. Pasi i është bërë e qartë se ka pamje filmike të ambienteve të brendshme të clubit, me kamerat e sigurisë që kanë regjistruar gjithçka edhe në zonën VIP, ai ka pranuar se ka kryer marrëdhënie seksuale me vajzën në fjalë, por se gjithçka kishte qenë me miratimin e të dy palëve.

Gazeta katalanase “El Periodico” ka zbuluar se pamjet e kamerave të sigurisë tregojnë që Alvesh dhe vajza që e denoncoi kanë qëndruar për 15 minuta në “dhomën” e cila në fakt rezulton të jetë një nga tualetet. Një situatë që komplikon gjithçka për futbollistin dhe ka bërë që familja e tij t’i ndryshojë avokate, pasi mendon se e ka këshilluar gabim në këtë çështje. Raportohet se Dani Alves është gati që të ndryshojë përsëri versionin e tij të ngjarjeve, në një histori që ka gjithnjë e më pak mundësi që të zgjidhet me fund të lumtur për futbollistin e njohur.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Humbi jetën pasi ra nga 10 metër lartësi në vendin e punës, zbulohen detaje të reja lidhur me 41- vjeçarin shqiptar në Itali

Humbi jetën pasi ra nga 10 metër lartësi në vendin e punës, zbulohen detaje të reja lidhur me 41- vjeçarin shqiptar në Itali

24 Nëntor, 09:15