Pas heshtjes së pakuptueshme 2-ditore, Sali Berisha shfaqi sot qëndrimin e tij për resortin që është planifikuar tëndëtohet në Zvërnec, një investim që kap vlerën e 4 miliardë eurove.

Kreu i Partisë Demokratike, e cilësoi investimin e planifikuar ndër më seriozët që Shqipëria ka njohur në 13 vitet e fundit, por tha se Partia Socialiste po tenton të pengojë realizimin e tij. 

Sa i përket protestave të banorëve që pretendojnë se po u merret padrejtësisht prona që kanë në Zvërnec, Berisha tha se shteti duhet të kryejë detyrën e tij për verifikimin dhe hetimin thellues ndaj çdo prteendimi, dhe në rast se nevojitet, dëmshpërblimin e çdo qytetari që i takon.

"Por, në gjithë këtë histori, çfarë kemi? Investitori i vetëm i huaj në 13 vite po përballet me përpjekje për t’u larguar nga Shqipëria. Po jua them qartë: prej 13 vitesh nuk ka asnjë investitor të huaj të rëndësishëm në tokën shqiptare.

Sipas ‘Europe Tender’, asnjë tender në Shqipëri nuk është fituar nga kompani europiane. Mos e harroni këtë fakt. Një prej kompanive më të fuqishme, e cila do të ndërtonte një resort turistik në Gjirin e Lalzit me vlerë 1.5 miliardë euro, u përball me pengesa dhe presione të vazhdueshme deri në largimin e saj. Pronari i saj priste në zyra për zgjidhje, por pa rezultat.

Sot nuk kemi asnjë investitor të huaj të rëndësishëm. Çfarë po ndodh? Cili është qëndrimi i Partisë Demokratike?

Qëndrimi ynë është i qartë: ne besojmë se investimet e huaja janë jetike për zhvillimin e Shqipërisë. 

Nga viti 2008 deri në vitin 2013, investimet e huaja varionin nga 1.2 deri në 1.4 miliardë euro në vit.

Ndërkohë sot, Partia Demokratike vazhdon të mbështesë investimet e huaja, por ju po largoni të vetmin investitor të huaj që ka mbetur në Shqipëri. Mbajeni shënim këtë.

Vetë ai tha: ‘Ju më votuat mua’. Pra, e hoqi maskën. E pranoi hapur.

Nëse një investitor disponon një projekt të miratuar nga qeveria dhe dokumente të firmosura nga institucionet zyrtare, kadastra dhe agjenci të tjera shtetërore, atëherë, pasi shteti e ka miratuar projektin, investitori nuk duhet të mbajë përgjegjësi për konfliktet e mëvonshme.

Çdo qytetar që pretendon padrejtësi apo abuzim duhet të përballet me shtetin, i cili ka detyrimin ta dëmshpërblejë me vlerën reale të tregut dhe, njëkohësisht, të ndëshkojë me forcën e ligjit falsifikatorët dhe spekulantët.",- tha Berisha.

Nga ana tjetër, kreu i Grupit Parlamnetar të Partisë Socialiste, Taulant Balla, nënvizoi se "investimi do të bëhet", ndërsa dha dhe një përgjigje për mediat greke.

"Mos harroni se komshiu e ka zili komshiun; ndoshta jo i pari, por elementë të tjerë do ta donin investimin për vete”,- tha Balla.

lajm në përditësim...

Rendit zhvillimet sipas orarit:
Ora 18:09
Debati për resortin në Zvërnec/ Deputeti Vengu: Shqipëria nuk e ka luksin të humbë investime të tilla, i jep siguri ekonomike vendit

1780329808_ministri.jpg

Deputeti socialist Pirro Vengu tha sot kë Kuvend se SHqipëria nuk e ka luksin të përçmojë investime të nivelit si ai që planifikohet të bëhet në Zvërnec dhe i cili parashikohet të kapë vlerën e të paktën 4 milionë eurove.

Vengu tha se në një kohë kur bota po përballet me kriza të vazhdueshme, është detyra e ligjvënësve që të marrin "vendime të guximshme që i japin vendit siguri ekonomike".

"Po kush flet për nevojën që ka laguna për rehabilitim mjedisor, kush flet për nevojat që kanë banorët e zonës për shërbime? Kush mund të jetë kaq naiv të mendojë që kemi luksin të refuzojmë investime të tilla? Debati për trashëgiminë tonë kulturore po",- tha Vengu ndër të tjera.

K.M/Shqiptarja.com

Ora 18:05
Deputeti i PD kritikon urdhrin e Ministrisë së Shëndetësisë për terapinë hormonale për transgjinorët, Spahia: Ky akt është i paligjshëm

1780329849_spahia.jpg

Deputeti i PD-së, Bardh Spahia, kritikoi në Kuvend urdhrin e Ministrisë së Shëndetësisë “Për trajtimin hormonal të personave transgjinorë”, duke ngritur shqetësime për zbatimin e terapisë hormonale në shërbimin publik shëndetësor. Spahia tha se urdhri është nxjerrë “në mënyrë të fshehtë e tinzare” dhe pyeti ministren se mbi çfarë baze është përcaktuar mosha 14 vjeç për aplikimin e kësaj terapie. Ai kërkoi sqarime për konsultimet e kryera me autoritetet dhe grupet e interesit, duke e cilësuar nismën si të paligjshme dhe me pasoja të pakthyeshme për fëmijët dhe familjet shqiptare. Deputeti demokrat ngriti gjithashtu pyetje mbi nevojën mjekësore të procedurës dhe qëllimin e kësaj iniciative.

"Ju zonja ministre në mënyrë të fshehtë e tinzare nxorrët një urdhër për aplikimin e terapive hormonale pranë shërbimit të endikronologjisë në QSUT. Ky urdhër ka ndikim direkt dhe impakt të pakthyeshëm në jetët e fëmijëve, dhe familjeve shqiptare. Me ç’të drejtë e përcaktoni ju moshën 14 vjeçare për aplikimin e terapisë hormonale për fëmijë të pambrojtur sikur të ishin kavie eksperimentale? Kush e përcaktoi kufirin e moshës 14 vjeç? Cilat kanë qenë konsultimet me autoritetet përkatëse e grupet e interesit. Kush është ideatori i një nisme të tillë? Këto janë axhenda të qarta Woke-iste. Ky akt  është i paligjshëm. Cila është nevoja mjekësore dhe prioriteti i kësaj procedure? Çfarë qëllimi fshihni pas kësaj iniciative?" tha Spahia ndër të tjera në fjalën e tij në Kuvend. 

U.D/Shqiptarja.com

Ora 18:01
'Zvërneci'- Balla: Investimi më i madh në historinë e Shqipërisë, komshiu e ka zili komshiun në raste të tilla! Uron edhe Berishën për 'rizgjedhjen' në krye të PD (VIDEO)

Kreu i Grupit Parlamentar të Partisë Socialiste, Taulant Balla, me ironi ka uruar Sali Berishën për rikonfirmimin në krye të PD-së. Nga salla e Kuvendit, Balla foli edhe për investimin që pritet të bëhet në Zvërnec, investim i cili ka nxjerrë në protesta qytetarët.

Balla tha se investimi është historik dhe më i madhi që ka pasur Shqipëria ndonjëherë, teksa njoftoi gjithashtu se pas pak ditësh nga Aeroporti i Rinasit do të nisin fluturimet direkte nga Tirana në Toronto.

Lidhur me reagimet e shumta në Greqi për protestën në Zvërnec, Balla me ironi tha se 'komshiu e ka zili komshiun', në rastet e investimeve të tilla.

“Nuk mund të mos e vlerësoj faktin dhe qëndrimin pro investimit. Një investim historik, më i madhi në historinë e Shqipërisë, për të cilin do të flas pak më poshtë. U tha këtu se investimet e huaja kanë rënë. Tani, investimet e huaja direkte, në vitin 2012, që ishte viti i fundit i juaji në pushtet zoti Sali, ishin 666 milionë euro. Në vitin 2025, shifra e investimeve të huaja direkte shkon 1.64 miliardë euro. Tani me matematikën e Lulit, mund të jetë 1.64 miliardë më e madhe se 666 milionë. Por me matematikën normale, 666-ta te 1.64 hyn të paktën 2.5 herë.

Pra investimet e huaja direkte në Shqipëri janë rritur me të paktën 2.5 herë. Por zotëria, që urime edhe për zgjedhjen në krye të PD-së dhe nuk dihej se kush fitonte. Por pas kësaj gare kaq të fortë, të luftuar deri në minutën e fundit, fitoi zoti Sali. Ndërkohë i bashkohem edhe urimit të Piter Bayer, me të gjitha kuptimet që kishte brenda urimi i tij. Ndërkohë sa i përket PBB, GTP-ja ishte diku poshtë 10 miliardë euro, ndërkohë në 2025 e kemi kaluar 27 miliardë euro. Pra e kemi 3-fishuar ekonominë e vendit në një kohë kaq të shkuartër.

Asnjë vend nuk e ka bërë këtë në kaq pak kohë. Meqë u tha diçka edhe për aeroportin e Vlorës, aeroporti i Vlorës është ndërtuar, po përfundon, aty ku ka qenë gjurma e aeroportit të Vlorës prej 100 vitesh. Numri i turistëve, këtu pastaj na ndjeni, se të qeshurën nuk e mbajmë dot. Pas pak ditësh, për herë të parë në Rinas do të inaugurohet fluturimi i parë ndërkontinental, nga Tirana në Toronto. Investimi në Zvërnec do të bëhet, mos harroni që komshiu e ka zili komshiun, ndoshta jo i pari, por element të tjerë, do donin investimin për vete”, tha mes të tjerash Balla.

R.Xh/Shqiptarja.com