Pas komenteve seksiste, ish-kreu i komitetit organizues të lojërave Olimpike në Tokio heq dorë, në krye të detyrës një grua

Yoshiro Mori

Yoshiro Mori

Pas komenteve seksiste të ish-kreut të komitetit organizues të Lojërave Olimpike të Tokios në krye të detyrës u emërua një grua, Seiko Hashimoto.

Fillimisht u propozua një burrë si zëvendësues por pas protestave të vazhdueshme në krye të saj u vendosë Hashimoto, e cila ka qenë edhe përfaqësuese e Japonisë në shtatë lojëra Olimpike.

Ish-kreu i komitetit të Lojërave Olimpike të Tokios, Yoshiro Mori disa javë më parë në një mbledhje të zhvilluar me komitetin drejtues tha se gratë flasin shumë, se ato janë të bezdisshme dhe se koha e tyre e të folurit duhet të jetë e kufizuar.

Pas kësaj deklarate seksiste dhe kritikave të ashpra kundrejt tij ai ka kërkuar falje dhe më pas është dorëhequr.

Hashimoto tha se dha dorëheqjen nga roli i saj i mëparshëm si ministre Olimpike për të marrë postin e ri.

Ndërkohë lojërat olimpike do të zhvillohen më 23 korrik pasi ato janë shtyrë me një vit për shkak të pandemisë së COVID-19.

 

J.GJ./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A po dështon zgjedhja e Presidentit me konsensus?



×

Lajmi i fundit

John

Fitoi zgjedhjet për kreun e PD, Berisha në ‘delir’: Ndodhi mrekullia e shekullit të 21