Presidenti ukrainas, Volodymyr Zelensky është takuar sot me Papa Leone XIV në Romë në kuadër të turit të tij evropian për të diskutuar ruajtjen e territorit sovran dhe të ardhmen e fondeve të destinuara për në Kiev. Pas takimit, që zgjati gjysmë ore, presidenti ukrainas dhe Ati i Shenjtë përshëndetën nga ballkoni Villa Barberini gazetarët dhe fotografët pa komentuar bisedën e tyre.
Në orën 15:00, ai pritet të takohet edhe me kryeministren italiane, Giorgia Meloni. Në një postim në rrjete sociale, pas takimit me Papën, Zelensky tha se e kishte ftuar që të vizitonte Ukrainën. Sipas tij, vizita e Atit të Shenjtë do të tregonte një mbështetje të madhe për popullin që ndodhet në luftë.
"E ftova Papën të vizitojë Ukrainën. Ky do të jetë një sinjal i fortë mbështetjeje për popullin tonë. Ukraina e vlerëson shumë gjithë mbështetjen e Papa Leone XIV dhe Selisë së Shenjtë", tha ai.
Ndërkohë nga SHBA, Donald Trump vijon të japë sinjale se sipas tij problemi qëndron tek evropianët për ngecjen në negociata. Presidenti amerikan sheh te aleatët e vet pengesën për paqen, në vend të personit që ka urdhëruar agresionin dhe pushtimin e paligjshëm të vendit fqinj. Ai shpërndau një Truth Social një artikull të Neë York Post me titullin: “Evropianët e pafuqishëm nuk mund të bëjnë gjë tjetër veçse të zemërohen që Trump me të drejtë i përjashton nga marrëveshja me Ukrainën”.
Teksti argumenton se bllokimi i marrëveshjes nga Kontinenti i Vjetër është një "dhuratë" për Putinin. "Të rriturit negociuan këtë propozim për Ukrainën duke i injoruar evropianët. Sigurisht që evropianët ndihen të përulur; SHBA dhe Rusia po formësojnë të ardhmen e Evropës pa i konsultuar. Por nëse sillesh si fëmijë, do të trajtohesh si i tillë”, thotë artikulli i shpërndarë nga Trump.
Lideri i Shtëpisë së Bardhë e shënjestroi Evropën edhe në një intervistë për Politico, duke e cilësuar si një grup kombesh "në proces kalbjeje" të udhëhequra nga njerëz të dobët.
"Mendoj se janë të dobët. Por mendoj gjithashtu se ata duan të jenë shumë politikisht korrektë. Mendoj se ata nuk dinë çfarë të bëjnë. Evropa nuk di çfarë të bëjë", u shpreh Trump.
Shënjestroi gjithashtu edhe Kievin, teksa tha se po përdor luftën për të shmangur mbajtjen e zgjedhjeve.
“Mendoj se është një moment i rëndësishëm për të mbajtur zgjedhje. Ata po përdorin luftën për të shmangur zgjedhjet, por mendoj se populli ukrainas duhet ta ketë këtë zgjedhje. Dhe ndoshta Zelensky do të fitonte. Nuk e di kush do të fitonte. Por ata nuk kanë pasur zgjedhje për një kohë të gjatë. Ata flasin për demokracinë, por arrin në një pikë ku nuk është më demokraci."
Më herët, Zelensky tha për gazetarët se propozimet për paqe po finalizohen dhe do t'i dërgohen Shteteve të Bashkuara sot. Udhëheqësi ukrainas shtoi se plani fillestar i paqes prej 28 pikash i Trump, i kritikuar për favorizimin e Rusisë, është reduktuar në 20 pika.
Një ditë më parë Zelensky zhvilloi në Londër një raund bisedimesh të rëndësishme me kryeministrin britanik Keir Starmer, homologun francez Emmanuel Macron dhe kancelarin gjerman Friedrich Merz, për të diskutuar versionin e planit të paqes, të propozuar nga Shtetet e Bashkuara, për t’i dhënë fund luftës në Ukrainë.
lajm ne perditesim...
"Do të përmbahem nga komentimi mbi këto deklarata, përveçse për të konfirmuar se jemi shumë krenarë dhe mirënjohës që kemi udhëheqës të shkëlqyer, duke filluar me udhëheqësen e këtij institucioni, Presidenten e Komisionit Evropian Ursula von der Leyen. Jemi vërtet krenarë për ata që na udhëheqin në adresimin e shumë sfidave me të cilat përballet bota."
Kështu deklaroi zëdhënësja e Komisionit Evropian Paula Pinho, e pyetur në konferencën e përditshme për shtyp në lidhje me sulmet e Trump se BE-ja është një grup kombesh në rënie të udhëhequra nga njerëz të dobët.
"Ndjenja e miliona evropianëve është e qartë: ne jemi krenarë për udhëheqësit tanë. Ne kemi shumë udhëheqës të tjerë në krye të 27 Shteteve Anëtare që janë pjesë e këtij projekti evropian, këtij projekti paqeje dhe që po e udhëheqin Unionin me vendosmëri përballë të gjitha vështirësive që po përjetojmë, brenda dhe përtej fqinjësisë sonë. Në vitet e fundit, jemi përballur me një numër të madh sfidash: nga lufta që përfshin fqinjin tonë, Ukrainën, deri te kriza energjitike që e ndjemë kaq fort dhe të cilën arritëm ta kapërcejmë së bashku.", shtoi ajo.
Donald Trump po thotë të vërtetën për udhëheqësit evropianë. Kështu deklaroi Kirill Dmitriev, këshilltari presidencial rus për investimet e huaja dhe negociatori me Shtetet e Bashkuara, në një postim në rrjetin social X në lidhje me intervistën e presidentit amerikan me Politico.
Dmitriev citon konkretisht disa nga deklaratat e Trump, duke përfshirë: "Mendoj se ata janë të dobët, por gjithashtu mendoj se ata duan të jenë politikisht korrektë... Evropa nuk di çfarë të bëjë".
Në intervistë, shefi i Shtëpisë së Bardhë tha gjithashtu se për Ukrainën, evropianët "flasin, por nuk prodhojnë (rezultate) dhe lufta thjesht vazhdon".
Presidenti i SHBA-së, Donald Trump po i kërkon Volodymyr Zelenskyt të pranojë situatën dhe faktin se Ukraina po e humbet luftën. Në një intervistë me Politico, kur u pyet për mundësinë që Zelensky ta refuzojë marrëveshjen e paqes, Trump deklaroi se presidenti ukrainas "duhet të ndërmarrë hapa dhe të fillojë të pranojë gjërat" sepse ai po e humb konfliktin.
"Ata humbën territor shumë kohë para se unë të vija këtu. Ata humbën një brez të tërë bregdetar, një brez të madh bregdetar. Kam qenë këtu 10 muaj, por nëse kthehesh 10 muaj prapa dhe shikon, ata e humbën të gjithë atë brez. Tani është një brez më i madh, një brez më i gjerë. Por ata humbën shumë territor, dhe territor të mirë gjithashtu. Sigurisht që nuk mund ta quash fitore", përfundoi ai.
Presidenti i SHBA, Donald Trump ka sulmuar homologun ukrainas Volodymyr Zelensky duke thënë se po përdor luftën për të shmangur mbajtjen e zgjedhjeve.
Në një sfidë të re ndaj Zelenskyt, i cili duket i dobësuar politikisht në Ukrainë për shkak të një skandali korrupsioni, Trump përsëriti thirrjen e tij që Ukraina të mbajë zgjedhje të reja. Në një intervistë për Politico, lideri i Shtëpisë së Bardhë tha:
“Mendoj se është një moment i rëndësishëm për të mbajtur zgjedhje. Ata po përdorin luftën për të shmangur zgjedhjet, por mendoj se populli ukrainas duhet ta ketë këtë zgjedhje. Dhe ndoshta Zelensky do të fitonte. Nuk e di kush do të fitonte. Por ata nuk kanë pasur zgjedhje për një kohë të gjatë. Ata flasin për demokracinë, por arrin në një pikë ku nuk është më demokraci."
Presidenti i Ukrainës, Volodymyr Zelensky thotë se e ka ftuar Papa Leone XIV që të vizitojë vendin e tij. Pas takimit me Atin e Shenjtë, Zelensky shkroi në rrjete sociale se vizita e tij do të shënonte një mbështetje të fortë për popullin në luftë.
"E ftova Papën të vizitojë Ukrainën. Ky do të jetë një sinjal i fortë mbështetjeje për popullin tonë. Ukraina e vlerëson shumë gjithë mbështetjen e Papës Leo XIV dhe Selisë së Shenjtë, ndihmën e vazhdueshme humanitare dhe gatishmërinë për të zgjeruar praninë e misioneve humanitare.
E informova Papën për punën diplomatike me Shtetet e Bashkuara për të arritur paqen. Diskutuam përpjekjet e mëtejshme dhe ndërmjetësimin e Vatikanit për kthimin e fëmijëve tanë, të rrëmbyer nga Rusia", u shpreh ai.
Nga SHBA Donald Trump vijon të japë sinjale se sipas tij problemi qëndron tek evropianët për ngecjen në negociata. Presidenti amerikan sheh te aleatët e vet pengesën për paqen, në vend të personit që ka urdhëruar agresionin dhe pushtimin e paligjshëm të vendit fqinj.
Konfirmimi erdhi pasdite, kur Trump shpërndau në Truth një artikull të New York Post me titullin: “Evropianët e pafuqishëm nuk mund të bëjnë gjë tjetër veçse të zemërohen që Trump me të drejtë i përjashton nga marrëveshja me Ukrainën”. Teksti argumenton se bllokimi i marrëveshjes nga Kontinenti i Vjetër është “një dhuratë për Putinin.
Të rriturit negociuan këtë propozim për Ukrainën duke i injoruar evropianët. Sigurisht që evropianët ndihen të përulur; SHBA dhe Rusia po formësojnë të ardhmen e Evropës pa i konsultuar. Por nëse sillesh si fëmijë, do të trajtohesh si i tillë”, thotë artikulli i shpërndarë nga Trump.
Komente
Lajme të tjera
-
Mot i keq në Kalabri, Siçili e Sardenjë! Mbyllen shkollat, njësitë e emergjencës në gatishmëri
19 Janar, 08:10 -
92 milionë njerëz në errësirë dixhitale! Irani planifikon “internet me leje” sipas modelit Kinë–Rusi
18 Janar, 17:47 -
Spiropali rrëfen përvojën në Ukrainë: Kievi jeton çdo ditë me sulme barbare!
18 Janar, 16:54 -
Tiranë/ Operacioni kundër mashtrimit nga Call Center-at, SPAK: Kontrolluam 28 objekte, përfshirë 2 kulla luksoze! 8 të arrestuar, 3 vëllezërit në kërkim! Pronarët lëviznin me një 'Ferrari' (EMRAT)
18 Janar, 13:32 -
Groenlanda/ Meloni kritikon Trump: Rritja e tarifave doganore e gabuar, të shmangim përshkallëzimin!
18 Janar, 12:40 -
Lufta/ Rusia sulm masiv me 200 dronë në Ukrainë, 2 të vrarë dhe dhjetëra të plagosur
18 Janar, 12:27 -
Studimet në mjekësi! 220 studentë italianë ankimojnë në gjykatë caktimin në kampusin e Tiranës
18 Janar, 11:15 -
Hyri ilegalisht në Itali dhe qarkullonte me 'Mercedes C-Class', arrestohet sërish 42-vjeçari shqiptar
17 Janar, 20:36 -
Republika Çeke do të furnizojë Ukrainën me avionë luftarakë kundër dronëve rusë
17 Janar, 15:31 -
Serbia blen me fonde të BE-së teknologji nga kompania e sanksionuar ruse
17 Janar, 14:37 -
Firenze dhe dhimbja e saj e pafundme, nga Astori te Baroni e Commisso! Shumë plagë në vetëm pak vite
17 Janar, 13:22 -
Po vinte nga Rusia, sekuestrohet anija me 33 mijë ton hekur në portin e Brindisit
17 Janar, 10:34
Mesa duket ne te ardhmen Ukraina do ta braktise besimin ortodoks duke u kthyer me romen pra catolik Latin , kjo me siguri duket si mesazh i atij takimi
PërgjigjuBota e di qe Rusia do pushtonte teritore problemi eshte qe sa e drejte ishte kjo lufte dhe cfare drejtie di mbante amerika si shtet i se drejtes.Se me formulwn i madhi e han te voglin kjo bote do shkrihet.kshu do e mbyllhe luften ti o portokall
PërgjigjuRusia nuk i lepihet asnjerit o shoku por eshte krejt e kunderta sepse amerika po i lepihet , e provuan duke armatosur deri ne dhembe Ukrainen dhe e pane qe rezultati ishte zero kurse tani po i qendrojne Putinit si bushtra Trumpi dhe te tjeret . Perendimoret jane vertet duke perenduar sepse e ben kohen e tyre tani jane te frutat
PërgjigjuOre Zelenski vizito edhe tere boten por nuk ka shpetim ,i vetmi shpetim qe ka mbetur per Ukrainen eshte Referendumi i Popullit,Zgjedhjet,ose nji kapitullim i Rusis por kapitullon edhe Evropa,kur e din se nuk ka fitim pse e zgjat luften a don ta zhdukish tere popullaten e Ukraines ose deshiron nji lufte berthamore qe nuk del asnji fitues,neve e dim se nuk je i sinqerte por benu nji here dhe ike nga Ukraina Izraeli te pranon pa kushte.
PërgjigjuAq shumë sa i lepihet Rusia SHTETEVE TË BASHKUARA TË AMERIKËS, dhe aq energji sa po harxhon tregon pafuqinë e sajë si superfuqi e cila ka tre vite që përpiqet të nënshtrojë Ukrainën dhe me perjashtim te ndonjë fshati të vogël asnjë nga rajonet nuk e zotëron plotësisht. Tigër prej letre që mban vetëm armatime të shekullit XIX dhe që i heq Kina dhe Korjea dhe ja shet Rusisë për sevap.
Zelensky e ka te kote qe lepihet te perendimoret nese do qe kjo lufte te mbaroje duhet te takoje Ruset sepse te tjeret skane asnje lloj vlere
PërgjigjuPo si mund të takosh dhe të bësh marrveshje me pushtuesin?! Rusët kanë tre vite që mundohen të përparojnë dhe si ato breshkat dy hapa para dhe tre pas . Luftë bëri Izraeli aq sa u detyrua Irani që të tërhiqej nga kërcënimet.