POP 5

Lajmet më të lexuara të 5 minutave të fundit

Politikë

Pas një viti leksionesh
studentët e PS marrin diplomat

Pas një viti leksionesh mbi politikën dhe politikat e majta kryesisht, studentët e Akademisë politike të Partisë Socialiste kanë marrë sot diplomat.
Pas një viti leksionesh mbi politikën dhe politikat e majta kryesisht, studentët e Akademisë politike të Partisë Socialiste kanë marrë sot diplomat. Një vit i mbushur me intensitet, debate dhe rrahje idesh dhe sigurisht me shumë informacion nga lektorë të cilët janë drejtues të njohur të Partisë Socialiste, njerëz me kontribute në vite në këtë forcë politike, por edhe nga fusha të tjera, si publicistë, akademikë, juristë.

Në ceremoninë e zhvilluar mes entuziazmit dhe humorit të të rinjve morën fjalën Drejtori i Fondacionit Friedrich Ebert Frank Hantke, si dhe Sekretari për Marrëdhëniet Ndërkombëtare në Partinë Demokratike Italiane, Giacomo Fillibeck. Nuk kanë munguar përgëzimet për të rinjtë nga Maqo Lakrori drejtues më shumë kontribut në Akademinë Politike. Në vitin e dytë të këtij kursi u diplomuan 36 studentë. Por pati një veçanti, pasi me nismë të Kryetarit të PS, Edi Rama dhe në bashkëpunim me drejtues dhe kontribuues të PS, pati dhe një kurs tjetër të veçantë të kësaj akademie. Në ndryshim me vitin e kaluar ku kishte vetëm një kurs të vogël studentësh, këtë vit u vendos që të pranoheshin të gjithë ata që kandiduan, duke i ndarë në dy kurse të veçanta. Kursi i vogël, në të cilën morën pjesë 36 studentë që u shpallën fitues që në fillim të garës, i cili ishte më intensiv dhe me sponsorizim të Fondacionit Friedrich Ebert. Gjithashtu dhe kursi i posaçëm, në të cilin u diplomuan 168 studentë.

Kryetari Edi Rama në fjalën e tij theksoi faktin se Rilindja Shqiptare gjen përgjigje për papunësinë rinore në vend. Rama cilësoi faktin se janë 65 mijë të rinj e të reja të cilët hyjnë në tregun e punës çdo vit dhe përballen me papunësinë. Duke iu drejtuar të rinjve Rama u kërkoi atyre kontribut të drejtpërdrejtë në PS për të hapur një rrugë të re për Shqipërinë.

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Përplasen dy trena në Bullgari, 2 persona humbin jetën dhe 6 të tjerë plagosen

Përplasen dy trena në Bullgari, 2 persona humbin jetën dhe 6 të tjerë plagosen

15 Janar, 22:55