TIRANË-Komisioni i Pavarur i Kualifikimit ka vendosur të përjashtojë për 15 vite nga drejtësia gjyqtarët Ergys Selamani dhe Arben Mullaj, pas vendimit të tyre për të dhënë dorëheqjen, një lëvizje kjo taktike për të evituar përballjen me Vetingun. Procesi i Vetingut për gjyqtarin e Fierit Ergys Selmani kishte nisur që në dhjetor të vitit 2019. Në 8 korrik 2021, Komisioni i Vetingut i dërgoi gjyqtarit rezultatet e hetimit, duke i lënë disa ditë afat për të paraqitur prapësimet e tij. Gjyqtari Selmani ka paraqitur dorëheqjen në KLGJ dy javë më pas. Në 10 shtator 2021, Komisioni i Vetingut ka vendosur të ndërpresë procesin e Vetingut për gjyqtarin Selmani, duke e përjashtuar nga drejta për t’u bërë pjesë e drejtësisë për 15 vitet e ardhshme.
Ndërkaq, procesi i verifikimit për gjyqtarin e Tiranës Arben Mullaj kishte nisur në dhjetor 2019. Me datë 13 korrik 2021, Mullaj është njohur me rezultatet e hetimit, ndërsa në datën 15 korrik ka dhënë dorëheqjen. Ditën e djeshme, KPK-ja ka vendosur të ndërpresë procesin e Vetingut për gjyqtarin Mullaj, duke e përjashtuar gjithashtu nga drejtësia. Po gjatë ditës së djeshme, Komisioni i Vetingut ka përjashtuar nga drejtësia edhe Gent Pejon, ndihmës ligjor pranë Gjykatës Administrative të Shkallës së Parë Tiranë, pas dorëheqjes së tij.
Ergys Selamani është një emër i njohur dhe i lakuar në sistemin e drejtësisë. Në vitin 2018, ministrja e Drejtësisë, Etilda Gjonaj, i kërkoi ish Këshillit të Lartë të Drejtësisë shkarkimin nga detyra të gjyqtarit Selmani, pasi sipas ministres, kishte vonuar zbardhjen e urdhrit për mbrojtjen e të ndjerës Liljana Ruka, e cila u vra nga bashkëshorti i saj, Ferdinand Rukaj.
Liljana Ruka kishte kërkuar mbrojte në gjykatë. Meqenëse policia nuk kishte një urdhër në dorë, Ferdinand Ruka shkoi në banesë dhe e hodhi Liljanën nga kati i katërt i pallatit, duke i shkaktuar humbjen e jetës. Ngjarja tronditi opinionin publik, ndërsa një hetim i Ministrisë së Drejtësisë nxori në hap shkelje të rënda nga gjyqtari Ergys Selmani, i cili vonoi zbardhjen e urdhrit të mbrojtjes, duke pamundësuar ndërhyrjen e policisë për të mbajtur larg Liljana Rukës bashkëshortin vrarës.
Megjithatë, KLD-ja refuzoi ndëshkimin e gjyqtarit Ergys Selmani, në kuadër të praktikës së mbrojtjes të gjyqtarëve të përfshirë në shkelje të rënda dhe praktika abuzive. U desh veprimi i ligjit të Vetingut për t’i ndërprerë karrierën gjyqtarit, Ergys Selmani, i cili ka deklaruar edhe 29 mijë euro dhuratë.
Paraditen e 9 shtatorit, Komisioni i Vetingut ka përjashtuar nga drejtësia edhe gjyqtarin tjetër të Fierit, Piro Sota, i cili liroi nga burgu vrasësin Elton Meta, i cili më pas vrau ish bashkëshorten e tij Sabrina Bengaj, një tjetër ngjarje kjo që ka tronditur opinionin publik. Piro Sota kishte liruar më parë të paktën edhe 4 perona të tjerë të akuzuar dhe të dënuar për vrasje.
Komente
Lajme të tjera
-
Vettingu/ Nuk justifikoi dot pasuritë, huatë dhe 2 makina, KPA shkarkon gjyqtarin e Apelit Durrës! Lihet në fuqi vendimi i KPK për Desart Avdulajn
18 Dhjetor, 11:20 -
KPA largon përfundimisht nga Drejtësia prokuroren e Shkodrës! Edlira Cufit iu gjet lidhja me të dënuarin për prostitucion, i mbylli dosjen
17 Dhjetor, 10:31 -
Mbyllet mandati i KPK-së, ambasada e SHBA-së: Llogaridhënia do të vazhdojë falë punës së shqiptarëve të guximshëm si ju
16 Dhjetor, 18:59 -
Reforma në drejtësi, VanHorn: Shumë e refuzuan, SPAK po godet bosët e krimit dhe të korruptuarit! Dumani: Pandëshkueshmëria po tronditet
16 Dhjetor, 15:40 -
Nga 1 Janari 2025 Altin Dumani merr edhe kompetencat e Komisionerit Publik, qeveria i kalon SPAK-ut edhe zyrat
15 Dhjetor, 20:15 -
U largua gjatë Vettingut, KPA i jep të drejtë shkallës së parë dhe rrëzon Komisionerin Publik për ish-inspektoren e KLD: Sofia Zhilla ishte dorëhequr! (VENDIMI)
12 Dhjetor, 16:37 -
Vrau gruan me çekiç dhe e fsheu një javë në papafingo, mbetet në burg 39-vjeçari shqiptar! Qan dhe shpreh pendesë: Më kapi paniku kur mësova se vdiq
10 Dhjetor, 17:16 -
Vrau në Ndroq Alfred Dedjan/ Gjykatësja e 'Gërdecit' liroi Julian Gjoshin në 2021! Iu gjet pistoleta në makinë, tha se do e dorëzonte në komisariat! Raport mjekësor se vuante nga zemra
4 Dhjetor, 11:47 -
U shkarkua në 2021 pasi nuk provoi burimin e ligjshëm të pasurisë, KPA lë në fuqi vendimin e KPK për gjyqtarin e Apelit të Vlorës, Nazmi Troka
26 Nëntor, 09:23 -
Buxheti 2025, Kuvendi shpërndan para shtesë për institucionet e drejtësisë! 100 mln lekë për godinën e re të SPAK, fond pagash për stafin e Komisionerit Publik
26 Nëntor, 07:06 -
SKEDA/ Operacioni i SPAK, kush është Taulant Tafa, gjyqtarit që iu kontrollua banesa! Dy vite më parë i uli dënimin Arben Grorit
25 Nëntor, 14:08 -
Vettingu/ Mbyllet rivlerësimi në KPK, në ‘filtër’ 805 magjistratët! Vetëm 373 u konfirmuan të ndershëm, qytetarët ndihmuan drejtësinë me rreth 6700 denoncime (SHIFRAT)
22 Nëntor, 12:05
