Anija FGS Nordrhein-Westfalen e marinës gjermane

Gjermania ka dërguar një anije luftarake në Qipro, duke shtuar praninë ushtarake në ishull pas tensioneve të fundit në rajon.

Anija FGS Nordrhein-Westfalen e marinës gjermane mbërriti në portin e Limasolit, vetëm pak ditë pasi një dron goditi zonën pranë bazës britanike RAF Akrotiri.

Sipas BBC-së, Gjermania nuk është e vetmja që po rrit praninë e tyre ushtarake në Qipro, ndërsa konflikti në Lindjen e Mesme vazhdon të përshkallëzohet.

Franca ka dërguar tashmë anijen luftarake FS Languedoc, ndërsa presidenti Emmanuel Macron pritet të vizitojë ishullin të hënën.

Edhe Italia dhe Spanja kanë njoftuar dërgimin e anijeve të tyre ushtarake ITS Federico Martinengo dhe Cristobal Colon, duke shtuar praninë detare europiane në Mesdhe.


Lajmi kryesor:

Lufta/ Djali i Ali Khameneit zgjidhet lideri i ri Suprem! Valë e re sulmesh amerikano-izraelite në Iran! Trump telefonatë me Starmer për përdorimin e bazave ushtarake (VIDEO)