Pas tërmetit, 20 mijë euro për Italinë

Me iniciativë të Ministrisë së Punëve të Jashtme të Republikës së Kosovës, Qeveria e Kosovës, ka marrë vendim që të ndajë njëzetë mijë euro për ndihmë, me rastin e tërmetit në Republikën e Italisë.

Gjatë mbledhjes, ministri i Punëve të Jashtme, Enver Hoxhaj, ka propozuar ndarjen e shumës prej 20 mijë euro për të ndihmuar Qeverinë dhe qytetarët e Italisë, pas tërmetit që ka ndodhur në veri të Italisë, ku kanë mbetur të vdekur 17 njerëz.

Duke theksuar faktin se Republika e Kosovës ka marrëdhënie të shkëlqyera me Italinë, Hoxhaj bëri të ditur se në emër të Qeverisë i ka përcjell ngushëllimet më të sinqerta ministrit të Jashtëm të Italisë, Guilio Terzi. 
/rg/shqiptarja.com/