Pas Zelensky, reagon Vuçiç: Serbia mbështet integritetin territorial të Ukrainës

Pas reagimit të Presidentit të Ukrainës, Volodymyr Zelensky, ka reaguar së fundmi edhe Presidenti i Serbisë, Aleksandar Vuçiç, i cili tha se kishte biseduar edhe për situatën në Kosovë.

Vuçiç tha se ata e kanë mbështetur Ukrainën për në rrugën e saj evropiane dhe se nuk mendonte se do të kishte ndryshime në pozicionin e Ukrainës në lidhje me integritetin territorial, raporton Danas.rs.

Ai ka shtuar se Greqia nuk do të ndryshojë qëndrimin për çështjen e Kosovës.

Ai tha se biseda me Zelensky ishte një bisedë miqësore, e hapur, konstruktive dhe e sinqertë.

“Ia shpjegova situatën rreth Kosovës. Nuk mendoj se do të ketë ndonjë ndryshim në pozicionin e Ukrainës në lidhje me integritetin tonë territorial. Ne e mbështetëm Ukrainën në rrugën e saj evropiane. Kam pasur një bisedë të drejtë, të hapur, miqësore, konstruktive dhe të sinqertë me presidentin e Ukrainës Volodymyr Zelensky. Kam folur për atë që ka ndodhur në vitin 1999, duke konfirmuar se Serbia e konfirmon integritetin territorial të Ukrainës dhe do të vazhdojë ta bëjë këtë”, tha Vuçiç.

S.S/S.G/Shqiptarja.com

TAG:
• Aleksandar Vuçiç
• Volodymyr Zelensky
• serbi
• ukraine
• kosove