'Pash dikë që nxori thikën', Spartak Braho: Njerëzit e Berishës tentuan masakrimin e Servet Pëllumbit në ’96-ën në Durrës, si i shpëtova arrestimit dhe dola në ilegalitet

'Pash dikë që nxori thikën', Spartak Braho: Njerëzit e Berishës tentuan masakrimin e Servet Pëllumbit në ’96-ën në Durrës, si i shpëtova arrestimit dhe dola në ilegalitet

Spartak Braho, Servet Pëllumbi, Sali Berisha dhe Bashkim Gazidede

Në 22 maj të vitit 1996, drejtuesit e Partisë Socialiste u kishin shpëtuar disa pritave me huliganë të ngritura nga Bashkim Gazidede dhe Agim Shehu, me urdhër të Sali Berishës, i cili kërkonte me çdo kusht asgjësimin fizik të opozitës, për shkak se e shikonte si rrezik për pushtetin e tij. Spartak Braho, sot deputet, kujdesej për sigurinë e krerëve të PS-së, të cilët kishin planifikuar për të zhvilluar një miting në Durrës. Braho kishte vendosur disa aparatura në shtëpinë e një militanti në Sukth, ku dëgjonte komunikimet dhe urdhrat kriminalë të kreu të policisë Agim Shehu dhe kreut të SHIK Bashkim Gazidede, për të sulmuar PS-në, sipas porosive të Berishës.

Në kushtet kur kryetarin Fatos Nanon e kishte futur në burg, Berisha synonte asgjësimin e Servet Pëllumbit, një nga figurat qendrore të PS-së në atë kohë. Në 22 maj 1996, Spartak Braho, në makinë me Servet Pëllumbin, kishte dëgjuar në radion-përgjuese Agim Shehun teksa urdhëronte masakrimin me çdo kusht të Servet Pëllumbit, sabotimin e mitingut të PS-së në Durrës, rrahjen e përfaqësuesve të tjerë të PS-së si dhe djegien e makinave të tyre.

Në librin e tij me titull “‘Masakroni’ Servet Pëllumbin”, Braho rrëfen se pas kalimit të pritës tek Ura e Dajlanit, plani i Berishës, Agim Shehut dhe Gazidedes për të goditur fizikisht Servet Pëllumbin, u vu në zbatim në miting. Persona me thika ishin infiltruar në mitingun e PS-së dhe po i afroheshin profesorit. Braho rrëfen luftën e saj dite për të shpëtuar Pëllumbin nga njerëzit e Sali Berishës. Nisur nga rrëfimi i Brahos, por edhe nga qindra dëshmi dhe dokumente të kohës, tentativat për vrasjes së Pëllumbit, është vetëm një fije në perandorinë kriminale të atyre viteve, ende sot e pandëshkuar nga drejtësia.

Vijon rrëfimi i Spartak Brahos

“Arritëm në rrugën e Pallatit të Sportit. Zbritëm dhe ecëm në drejtim të tij të rrethuar nga turmat e popullit që na priste me entuziazëm. Me kujdes, duke mbajtur profesorin, pash midis turmës disa fytyra të dyshimta që ishin përzier dhe që synonin të futeshin brenda në Pallatin e Sportit. Ecnim me vështirësi dhe disa metra para hyrjes kryesore pash dikë që nxori thikën dhe po shtyhej në drejtimin e grupit kryesor. “Ky është ai i masakrës”, mendova.

Dhe dikujt që nuk më kujtohet, i bëra shenjë duke i thënë ‘mbërthejeni atë mut’, duke e treguar me gisht. Por, rreziku nuk kishte kaluar. Pikërisht në hyrje të derës së Pallatit të Sportit, pjesa sipërme e së cilës ishte veshur me xham, u zgjat një shufër e gjatë hekuri dhe goditi në drejtim të kokës së profesorit. E pash personin ishte L. Dauti bashkë më vëllanë e tij. Xhami u thyer në mes dhe një copë e madhe në formë trekëndëshi me majë poshtë mori drejtimin për të rënë mbi kokat tona, ku më pranë ishte profesori. E shtyva profesorin me forcë që të kalonte edhe atë gjysmë metri të derës. Copa e rënë e xhamit ra me forcë mes trupave tanë, por profesori kishte shpëtuar. Një shoqërues i tij shtrëngonte dorën e gjakosur. Xhami kishte goditur atë.

U futëm në sallë  e elektrizuar nga thirrjet e simpatizantëve socialistë prisnin. Të sigurt që ia kishim hedhur SHIK-ut dhe policisë së Sali Berishës për të na prishur mitingun dhe për të na masakruar. Por mua në vesh për shumë kohë më kumbonte një zë: “Të masakrohet Servet Pëllumbi”.

Lidhur me këtë ngjarje, profesor Servet Pëllumbi kujton se atë që nuk u realizua për ta masakruar atë në 22 maj 1996 në Durrës, Sali Berisha e realizoi në 28 maj 1996 në mitingun e PS-së sheshin Skënderbej në Tiranë. Fotografia e gjakosur e tij së bashku me një gazetar spanjoll shëtiti kryefaqet e agjencive botërore.

Disa muaj më parë, pikërisht në 22 dhe 29 mars ishin masakruar nga SHIK-u dhe Policia Sekrete Ndre Legisi, Edi Rama, Erion Braçe, Bardhok Lala (gazetar i gazetës Koha Jonë), etj.

Më 19 qershor 2020, prof. Servet Pëllumbi, pasi lexoi shënimet e mësipërme, më dërgoi këtë mesazh telefonik: “Spartak, të falënderoj dhe të uroj për intervistën. Kujtesë fenomenale ke për ato vite të vështira që kemi përballuar. Fakte që kurrsesi nuk duhet t’i harrojnë rilindasit e sotëm!”.

Pak ditë më parë, mbas një sinjali të dhënë nga polici V. Hoxha shpëtova nga arrestimi policor i urdhëruar nga neo-fashistët, drejtues të policisë dhe të SHIK-ut, Artan Kalaja, Flamur Muka, Ilia Ilia etj. Kontrolli i egër dhe i beftës i banesës në orën 02:00 të natës, më detyroi ë largohem duke rrezikuar jetën dhe të kaloj në ilegalitet. Por, po atë natë shumë aktivistë të tjerë të Partisë Socialiste u arrestuan dhe u keqtrajtuan dhunshëm, duke u hedhur kanaleve të ish-kënetës.

Ishte llumi politik i Partisë Demokratike simbol i së cilës ishin militantët e saj Vefi Çako, Agim Kashami etj., që rrahën komisionerët e PS-së dhe mbushën kutitë e votimit ditën e zgjedhjeve, duke arritur fitoren fenomenale të PD-së 120 %!

Nuk kam për ta harrur kurrë rrahjen e dhe plagët që morën aktivistët e PS-së atë ditë si doktor Anastas Qerimi, Dylbere Hysi, Aliosha Qamo, Ilir Tanko të kryer nga llumi i PD-së, të mbështetur nga kriminelë të sapo liruar nga burgu për t’u përdorur”.

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Teli: 13/01/2021 20:26

    Po ca te coje ne SPAK, lidhjet me llumin e krimit qe ka si familje ne Durres?! Te gjithe prokuroret e SPAK jane njesoj, miq e shoke me zullumin e Durresit. Pse mendoni qe do tia fusin vetes. Lereni te te parrallis ne qefin e vet.

    Përgjigju
  • Tralala: 13/01/2021 19:06

    Dhe perrallat me mbret vazhdojne ...

    Përgjigju
  • Shqipëria: 13/01/2021 18:55

    8 vjet ne pushtet, 4 pa opozitë, akoma fajin e ka Saliu. Asnjë akuzë ndaj Saliut zyrtare ne 8 vjet, tani qe erdhën zgjedhjet, Fuges i ka ngel vetëm Fajin e ka Saliu. Mjer ne!!!

    Përgjigju
  • JamKushJam: 13/01/2021 18:07

    Saliu: perfaqesuesi i atyre qe bazojne c'do mendim/veprim se eshte personal dhe vetem duke perdorur emocion dhe jo argument/fakt/llogjike.

    Përgjigju
  • Canta Bardhe: 13/01/2021 17:50

    O canta e Zeze Taku A e ke cuar canten e Zeze tek Spaku se keta nuk e kane lexuar se ne populli kemi lexuar edhe me shume per bemat e Drejtuesve te Partise Demokratike dhe Sahli Berishes ?

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Sulmi në Moskë, Ankaraja: ISIS-K u ndihmua nga shërbimet sekrete

Sulmi në Moskë, Ankaraja: ISIS-K u ndihmua nga shërbimet sekrete