POP 5

Lajmet më të lexuara të 5 minutave të fundit

Kultura

Lajme nga emisionet

‘Pasionin për muzikën ma ushqyen prindërit’, kompozitori Mark Gjoka kujton në ‘Esencë’ njerëzit e shtrenjtë që ‘shkruan’ historinë e jetës së tij

“Secili prej nesh është një histori”. Slogani që shoqëron rrugëtimin e “Esencë” i hap rrugën emocioneve të secilit që sjell me vete në program një histori. Këtë herë të tijën e solli kompozitori dhe mjeshtri i madh Mark Gjoka.

“Secili prej nesh është një histori”. Slogani që shoqëron rrugëtimin e “Esencë” i hap rrugën emocioneve të secilit që sjell me vete në program një histori. Këtë herë të tijën e solli kompozitori dhe mjeshtri i madh Mark Gjoka.

“Pasionin dhe dëshirën për muzikën ma kanë ushqyer prindërit e mi, lodrat e mia të para kanë qenë instrumentet muzikore” –rrëfen ai teksa kujton lidhjet e hershme me muzikën.

Dhe nuk ishte aspak rastësi e gjithë jeta e tij u lidh në mënyrë të pashmangshme me muzikën. Muzika është një talent i trashëguar edhe në breza të tjerë të familjes sepse aty të gjithë këndojnë.

Marku kujton në fillimet e tij edhe mbështetjen që ka pasur gjatë kohës së shkollës nga kompozitori Çesk Zadeja. Një nga kompozimet e tij bashkë me Gjok Becin, që i rezistoi kohërave dhe ka mbushur 40 vjet është edhe e famshmja “Del Syzeza”.

“Bashkëshortja ime është muza ime dhe një nga bekimet e mia në jetë”, shprehet ai kur kujton ditën e tij të martesës dhe vitet e kaluara me bashkudhëtaren e jetës.

Surpriza dhe emocione të bukura ishin video mesazhet e miqve të tij artistë Ana Hida dhe Shaban Krasniqi dhe një nipi i tij, Blesari.

“Jam mirënjohës  çdo ditë, që hedh sytë nga dritarja dhe jetoj edhe një ditë tjetër.”-thotë ai kur kujton gjithë rrugën e jetës dhe të profesionit.

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu