Pasnesër zgjedhjet, Celibashi për mediat: Gjithçka gati, kush shkel Kodin Zgjedhor do të marrë dënimin e merituar! Në Shkodër nuk ndryshohen qendrat e votimit! Rezultati në Vorë del brenda datës 6 mars

2 ditë na ndajnë nga zgjedhjet e pjesshme vendore të 6 marsit në 6 bashki të vendit, kryekomisioneri Ilirjan Celibashi ka dalë në një konferencë për mediat dhe paralajmëroi të gjithë shkelësit e Kodit Zgjedhor se do të shkojnë para organeve të drejtësisë.

 “Kushdo që do të tentojë të angazhohet me një proces të shitblerjes së votës dhe ndikimit mbi vullnetin e qytetarëve do të ketë pasoja. Nuk më vjen mirë ta sjell në vëmendje por tashmë një pjesë jo e vogël e atyre rasteve dhe personave që KQZ i ka evidentuar si shkelës të Kodit Zgjedhor janë duke u ballafaquar me organet e drejtësisë. Nëse dikush e ka guximin të ketë ballafaqim me organet e drejtësisë, mund ta bëjë. Ftoj ata qytetarë apo edhe përfaqësues të partive politike që në çdo rast që do evidentojnë shkelje t’i denoncojnë në organet e ndjekjes penale”, tha ai.

Sa i përket 2 zonave në Shkodër ku janë hasur probleme me shpërndarjen e bazës materiale për shkak të kushteve atmosferike, Celibashi u shpreh se ka pasur një kërkesë nga kryebashkiakja në detyrë Voltana Ademi për zhvendosje të tyre por kjo nuk mund të bëhet për sa kohë ligji nuk e parashikon. Duk u ndalur tëk numërimi i votavem kryekomisioneri Celibashi tha se rezultati për bashkinë e Vorës, ku numërimi është elektronik, do të dalë rreth orës 20:00, ndërsa në të gjitha bashkitë e tjera rezultati paraprak do të dalë brenda 48 orëve.

‘Rezultati paraprak synojmë ta shpallim menjëherë sapo të mbyllet votimi në qendrat e votimit në Vorë. Duke llogaritur këtë deri në orën 20:00 të themi brenda datës 6 mars. Sa i përket rezultatit në bashkite e tjera, nuk besoj se do kemi probleme rezultate do ta shpallim jo më vonë se 48 orë nga mbyllja e votimit.’- tha Caleibashi.

Kryekomisionaeri Celibashi tha se KQZ nuk po punon për implementimin e numërimit elektronik, për zgjedhjet e ardhshme, ndërsa theksoi se kjo është punë që u përket partive politike apo dhe vetë qeverinë.

'Nuk jemi duke punuar për këtë çështje, është vendimmarrje   takon qeverisë dhe partive politike. Ka avantazhet e veta. Disavantazhi kryesor është kostoja, por ka shumë avantazhe të tjera nga pikpamja organizative dhe teknike ndoshta dhe me sigurinë e procesit. Integriteti i procesit zgjedhor nuk lidhet vetëm me implementimin e tekonologjisë së Informacionit.  Shitblejra e votës nuk lidhet me implementimin e votimit elektronik. ‘- tha Celibashi.

Zgjedhjet e pjesshme vendore do të zhvillohen në Vorë, Rrogozhinë, Lushnjë, Shkodër, Dibër dhe Durrës. KQZ-ja ka njoftuar 654,538 shtetas shqiptarë kanë të drejtë të marrin pjesë në votimet e pjesshme të 6 marsit. Janë 10,134 zgjedhës qe votojnë për herë të parë, ndërsa 135 shtetas nuk janë përfshirë në lista për shkak të dekriminalizimit. 941 është numri i qendrave të votimit.

K.T./M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Tjetër JO për negociatat nga BE, mendoni se Rama ka të drejtë me gjuhën e ashpër ndaj liderëve të Brukselit?



×

Lajmi i fundit

John

Zelensky: Rusia na ka vjedhur paqen, por nuk do të na shkatërrojë