Pastiçe fshati me perime

Përbërësit:

  • 1 pako makarona
  • 200 gr brokoli
  • 200 gr lulelakër
  • 200 gr karrota
  • 300 gr spinaq
  • 50 gr djathë kaçkavall
  • Vaj ulliri

Për kremin:

  • 250 gr gjizë pa kripë
  • 400 ml qumësht
  • 50 gr kaçkavall i grirë
  • Kripë, piper i zi, trumzë

Përgatitja:

Vendosim makaronat të ziejnë në ujë të bollshëm me kripë. Karrotat i presim në kubikë të vegjël dhe i shtojmë në ujin ku po ziejnë makaronat. Shtojmë brokolin dhe lulelakrën të ndarë në boçe, si edhe spinaqin. I lëmë të ziejnë për disa minuta. Kullojmë makaronat bashkë me perimet. I shtrojmë në një tavë të lyer me pak vaj ulliri. Në një tas përziejmë gjizën me qumështin. Shtojmë djathin e grirë, kripën, piperin e zi dhe trumzën. Këtë krem e hedhim mbi makaronat me perime. Sipër e spërkasim kaçkavall të grirë dhe e vendosim tavën në furrë të parangrohur në 180°C për rreth 25 minuta.