Receta

Pastiçe me mish të grirë, shije speciale nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 17 Dhjetor, 12:21 | Përditesimi: 17 Dhjetor, 12:22

Pastiçe me mish të grirë

Përbërësit:

500 gr makarona
300-400 gr mish i grirë
1 qepë e mesme e grirë hollë
3-4 lgj vaj ulliri ose gjalpë
3 kokrra vezë
250 ml qumësht
100 gr djathë i bardhë/ kaçkavall
Kripë dhe piper
Pak arrë moskat
Majdanoz i freskët për servirje

Përgatitja:

LEXO EDHE:
Sallatë me domate jeshile me shije unike nga zonja Albana

Ziejmë makaronat në ujë me kripë derisa të jenë gati (al dente). I kullojmë dhe i lëmë mënjanë. Ndërkohë në një tigan, ngrohim vajin ose gjalpin dhe kaurdisim qepën derisa të zbutet. Shtojmë mishin e grirë dhe e kaurdisim derisa të marrë ngjyrë të artë. Shtojmë kripë, piper dhe pak arrë moskat sipas dëshirës. E lëmë mishin të gatuhet për disa minuta derisa të zbutet. Në një enë të madhe, rrahim vezët me qumështin, shtojmë djathin e grirë, makaronat e ziera dhe mishin e grirë dhe i përziejmë të gjithë përbërësit mirë. Lyejmë një tavë me pak vaj ose gjalpë dhe hedhim përzierjen e përgatitur. Sipas dëshirës mund të shtojmë dhe pak djathë dhe e vendosim tavën në furrë të parangrohur në 180°C për rreth 30-40 minuta.

MC/Shqiptarja.com

TAG: