POP 5

Lajmet më të lexuara të 5 minutave të fundit

Ekonomi

Pastrimi i parave, GFI: Raporti,
këmbanë alarmi për qeverinë
GFI: U zhdukën 1.3 miliardë $

Raporti i Global Financial Integrity duhet konsideruar si një këmbanë alarmi për qeverinë. I këtij mendimi është zëdhënësi i organizatës me seli në Washington Clark Gascoigne. Rama: Raporti i GFI, e vërteta rrënqethëse e pushtetit hajdut Bode: Raporti s'ka lidhje me korrupsionin, opozita shpif Shkëlqim Cani: 1.3 mld $ i larguan segmentet e shtetit
Pastrimi i parave, GFI: Raporti, <br />këmbanë alarmi për qeverinë<br />GFI: U zhdukën 1.3 miliardë $
SHBA - Raporti i Global Financial Integrity i cili konstaton nxjerrjen jashtë Shqipërisë të 1.3 miliardë dollarëve përmes pastrimit të parave, korrupsionit dhe fshehjes nga tatimet duhet konsideruar si një këmbanë alarmi për qeverinë. I këtij mendimi është zëdhënësi i organizatës me seli në Washington Clark Gascoigne.

Në një intervistë për agjencinë "BalkanInsight" ai vlerëson se qeveria shqiptare duhet të ndërhyjë për të mos lejuar rrjedhjen e parave jashtë sistemit fiskal dhe se ka shumë hapa për t’u marrë në këtë drejtim.

"Qeveria shqiptare duhet të kërkojë të gjitha bankave në Shqipëri të kenë të dhëna informacione mbi poseduesit për çdo llogari të hapur në institucionin e tyre financiare", vuri në dukje Gascoigne. Shpesh bankat nuk dinë se kush zotëron apo kontrollon llogaritë në institucionin e tyre. Ata mund të kenë emrin e një kompanie anonime por nuk mund të dinë se kush është personi aktual që kontrollon kompaninë.

 "Kjo do të thotë se bankat nuk mund të monitorojnë llogaritë për pastrimin e parave. Ky është një hap i thjeshtë që mund të ndihmojë në mënyrë të konsiderueshme për të zvogëluar problemin", insiston Gascoigne.

Zëdhënës i Global FInancial Integrity i tha “Balkan Insight”, se beson që 60 për qind e këtyre parave vijnë nga evazioni fiskal, 35 për qind nga aktiviteti kriminal dhe 5 për qind nga korrupsioni.

Gascoigne, sqaroi se Shqipëria nuk ishte i vetmi vend për t’u fajësuar pasi edhe shtete të tjera, si SHBA-ja, Britania e Madhe, Zvicra, Qipro, Hong Kong dhe Singapori kanë të njëjtat probleme. Raporti i publikuar pak ditë më parë konstatonte se nga Shqipëria për periudhën 2005-2010, kanë dalë 1.3 miliardë dollarë nga pastrimi i parave prej një elite të korruptuar.

Gascoine theksoi se është e pamundur për GFI të gjurmojë se ku kanë përfunduar paratë e dalura nga Shqipëria. "Ne jemi në gjendje për të parë se nga kanë dalë paratë por nuk mund të dimë se ku kanë përfunduar", insistoi ai.

Redaksia online
(eç/dm/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

NATO dhe Ukraina takohen lidhur me raketën e re ruse

NATO dhe Ukraina takohen lidhur me raketën e re ruse

26 Nëntor, 08:23