Pasuritë përrallore të deputetëve, Adriatik Doçi: Përgjigje për Dash Shehin dhe torollakun Edi Paloka

Dash Shehi është ndër politikanët e rrallë, për të cilin kam një respekt të veçantë. I thjeshtë, babaxhan, i ditur dhe i pa akuzuar kurrë për ndonjë abuzim. Por, kjo nuk ka shumë rëndësi kur raporton dhe informon publikun.

Z. Shehi dorëzoi mandatin e deputetit në mars 2019 për arsye që dihen dhe u rizgjodh në zgjedhjet e prillit 2021. Për rrjedhojë, sipas ligjit për pasuritë, duhet të deklaronte edhe një herë të gjitha pasuritë nga fillimi, pra para fillimit të punës si ligjvënës.

Mes të tjerave, deklaron prona me vlerë 4 milionë USD, të njohura nga gjykata. Këtu mund të gjeni shkrimin e plotë, ku unë kam bërë një pasqyrim mekanik të deklaratës, pasi Shehi është deputet dhe personazh publik, ndaj pasuria e tij përbën interes dhe zgjon natyrshëm kureshtje, edhe sikur të mos deklaronte asgjë.

Shikoni shkrimin dhe deklaratën për të dalluar të vërtetën. (Shkrimi i publikuar në Shqiptarja.com)

Nuk kam bërë asnjë koment se si Dash Shehi e ka krijuar pasurinë. Por, besoj se pasuria e tij nuk ka lidhje me aktivitetin politik.

Dash Shehi kishte bërë sot një reagim, ku pretendon se raportimi mbi pasurinë e tij është i deformuar dhe se kemi të bëjmë me shpërdorim të të dhënave personale.

Mendoj se asnjëri pretendim nuk qëndron.

Së pari, deputeti nuk ka imunitet për mbrojtjen e të dhënave personale pasi ligjvënësi ka detyrim ligjor të plotësojē formularin e vetëdeklarimit, në kuadër të ligjit të dekriminalizimit. Ky formular është publik në faqen e KQZ, ku mund ta shikojë kushdo.

Së dyti, unë kam thënë se Dash Shehi deklaron mbi 4 milionë euro pasuri. Vetë z. Shehi thotë se ka më shumë se sa 4 milionë USD.

'Mbi 4 milionë USD' dhe 'më shumë se 4 milionë USD', a nuk janë e njëjta gjë?!

Dua të besoj se z. Shehi mund të mos ketë qenë esëll kur ka shkruar reagimin, gjithnjë nëse e ka shkruar vetë.

Për Edi Palokën

Në artikullin raportues i kushtohen disa rreshta edhe deputetit Edi Paloka, i cili është bërë pronar i disa tokave në Kavajë, të trashëguara.

Pasqyrimi, siç e shikoni, është mekanik dhe i ftohtë. Shikoni deklaratën dhe shkrimin për të dalluar të vërtetën.

Është e dyta herë që Edi Paloka reagon nē mënyrë agresive dhe kërcënon me proces gjyqësor, me anë të një gjuhe ordinere dhe burgu, në përpjekje për të frikësuar median.

Në të dy rastet, sulmon njerëz të tjerë, pa asnjë lidhje dhe influencë me shkrimin, në rastin konkret z. Carlo Bollinon, vetëm sepse është botuesi dhe ka thënë disa të vërteta për Sali Berishën dhe veprimtarinë e tij.

Unë shkruaj disa artikuj në javë bazuar në dokumente, pa asnjë konsultim, pa asnjë direktivë, pa asnjë diktim. Ata që më rrethojnë dhe më njohim e dinë.

Reagimi i Palokës reflekton mentalitetin berishist.

Përgjigja për Edi Palokën është kjo: Vetëm një politikan torollak si ju mund të ketë iluzionin se mund të më frikësojë mua me padi në gjykatë.

Shpresoj të mbash fjalën dhe të bësh padinë. Do vij vetë në çdo seancë.

A e ke deklaruar çmimin e saktë të një makine që ke sjellë nga jashtë pa paguar detyrimet doganore, pse je futur ditët e fundit në derën e SPAK dhe a merr dot më vizë në ambasadën e SHBA?!

Të dhënat për pasuritë e Edi Palokës dhe Dash Shehut

 

Të dhënat për pasuritë e Edi Palokës dhe Dash Shehut

 

M.Q./KT/Shqiptarja.com

TAG:
• PD
• edi paloka
• dashamir shehi