FIER - Prokuroria e Rrethit Gjyqësor Fier ka rregjistruar një procedim penal në ngarkim të shtatë shtetasve të cilët akuzohen si të implikuar në dhënien e paligjshme të lejeve të drejtimit të automjeteve. Për këtë, pas një hetimi që zgjati disa muaj, janë arrestuar disa drejtues e anëtarë të Komisionit për paisjen me lejedrejtimi për automjetet pranë Drejtorisë Rajonale të Shërbimeve të Transportit Rrugor Fier, si dhe disa drejtues të autoshkollave vendore. Ata janë:

Emiljano Sandër Mone, vjeç 30, banues në Fier, Kryetar i Komisionit për pajisjen me leje drejtimi për mjete pranë Drejtorisë Rajonale të Shërbimeve të Transportit Rrugor Fier, i dyshuar për veprën penale të “Korrupsionit pasiv të personave që ushtrojnë funksione publike,” e kryer në bashkëpunim,

Emiljano Ymer Bushi, vjeç 28, banues në Fier, Anëtar i Komisionit për pajisjen me leje drejtimi për mjete pranë Drejtorisë Rajonale të Shërbimeve të Transportit Rrugor Fier, i dyshuar për veprën penale të “Korrupsionit pasiv të personave që ushtrojnë funksione publike” e kryer në bashkëpunim,

Paskal Andon Bello, vjeç 46, banues në Fier, Anëtar i Komisionit për pajisjen me leje drejtimi për mjete pranë Drejtorisë Rajonale të Shërbimeve të Transportit Rrugor Fier, i dyshuar për veprën penale të “Korrupsionit pasiv të personave që ushtrojnë funksione publike, e kryer në bashkëpunim,

Xhevair Halil Çaushi, vjeç 47, banues në Fier, punonjës i pranimit të dokumenteve për pajisjen me leje drejtimi për mjete në Drejtorinë Rajonale të Shërbimeve të Transportit Rrugor Fier, i dyshuar për veprën penale të “Korrupsionit pasiv të personave që ushtrojnë funksione publike e kryer në bashkëpunim,

Bujar Gani Tahiri, vjeç 58, banues në Fier, i dyshuar për veprat penale të “Korrupsionit aktiv të personave që ushtrojnë funksione publike” dhe “ushtrim i ndikimit të paligjshëm ndaj personave që ushtrojnë funksione publike”, pronar i autoshkollës ‘’Gerveni-Tahiri’’,

Dylaver Llazi Shyti, vjeç 43, banues në Dermenas Fier, i dyshuar për veprën penale të “Ushtrimit të ndikimit të paligjshëm ndaj personave që ushtrojnë funksione publike”, pronar i një lokali privat,

Vladimir Maliq Nebiaj, vjeç 57, banues në Kuman Fier, instruktor pranë autoshkollës “Gerveni-Tahiri’’, i dyshuar për veprën penale të “Ushtrimit të ndikimit të paligjshëm ndaj personave që ushtrojnë funksione publike, i dënuar më parë të njëjtën vepër penale,

Personat në fjalë akuzohen për veprën penale të Korrupsionit aktiv të personave që ushtrojnë funksione publike dhe Korrupsionit pasiv të personave që ushtrojnë funksione publike.

Ndërsa policia e shtetit bëri të ditur se janë ndaluar edhe 3 persona të tjerë. Bëhet fjalë për:

Redian Umberto Çuko, vjeç 29, banues në Fier, ish punonjës i Drejtorisë Rajonale të Shërbimeve të Transportit Rrugor Fier,

Aldona Thoma Daka, vjeç 42, punonjëse e Degës së Kryqit të Kuq Fier,

Agron Yzeir Saliko, vjeç 42, i punësuar shofer dhe furnitor pranë Drejtorisë Rajonale të Shërbimeve të Transportit Rrugor Fier

Ndërkohë ndaj drejtuesit të Drejtorisë Rajonale të Shërbimeve të Transportit Rrugor Fier, shtetasit Luan Ramadan Baci, vjeç 49, banues ne Fier, nga Gjykata e rrethit Gjyqësor Fier është vendosur masa e pezullimit të ushtrimit të detyrës, pasi dyshohet se ka konsumuar veprat penale të “Ushtrimit të ndikimit të paligjshëm ndaj personave që ushtrojnë funksione publike, korrupsionit pasiv nga persona që ushtrojnë funksione publike të kryera në bashkëpunim.

Dyshohet se falë këtij rrjeti rreth 50 persona kanë marrë patentën për drejtimin e automjeteve pa e merituar atë dhe pa ndjekur kurset e nevojshme.

(im/shqiptarja.com)