Patozi: Kapërcyem stërkëmbëshin e fundit të atyre që tremben nga ne

Fitore ndaj stërkëmbëshit të fundit ndaj atyre që i tremben 'Bindja Demokratike'. Kështu e ka cilësuar kreu i PDB, Arstrit Patozi vendimin e Kolegjit Zgjedhor. Duke premtuar se partia e tij do të sjellë një frymë ndryshe dhe ndryshim, Patozi nuk ka lënë pa thumbuar opozitën dhe Rilindjen. Këtë të fundit e cilëson krejtësisht të korruptuar, e ndërsa për opozitën, pjesë e së cilës ka qenë vetë më herët,  shprehet se paralajmëron përplasje civile për të mbuluar vetëvrasjen e vet politike.

"BINDJA DEMOKRATIKE kapërceu sot edhe stërkëmbëshin e fundit të atyre, që i trembeshin më shumë pranisë së saj, se sa mungesës së tyre në zgjedhjet lokale të 30 qershorit.

Tanimë, jemi tërësisht të fokusuar tek gara për të treguar se jemi realisht fryma e re dhe shpresa e vetme për ndryshim në këtë vend. Keqardhje për ata që u përpoqën më kot të na pengonin në të drejtën tonë për t'u ofruar shqiptarëve një projekt të ri politik, krejtësisht të ndryshëm nga "Rilindja" e korruptuar dhe nga opozita e dëshpëruar, e cila paralajmëron përplasje civile për të mbuluar vetëvrasjen e vet politike.

BINDJA DEMOKRATIKE po vjen si ortek vullnetesh shpërthyese shqiptarësh të lirë, të cilët nuk e kanë humbur besimin se ky vend mund të bëhet prej nesh vetë.Zoti e bekoftë BINDJEN e qeverive dhe të politikanëve ndaj popullit", shkruan Patozi.

Lajmi kryesor:

'Regjistrimi i 'Bindja' i ligjshëm'/ Patozi: Fituam betejën e parë politike, jemi fryma e re

B.K./Shqiptarja.com

TAG:
• astrit patozi