TIRANE - Kreu i PBDNJ-së, Vangjel Dule doli në një prononcim për shtyp për të denoncuar aktin e KQZ dhe të Kolegjit Zgjedhor për mos regjistrimin në KQZ të Partisë për Prosperitet Demokratik e cila përfaqëson minoritetin gollobordas.

”Është ndërmarrë një akt arbitrar, e i papranueshëm”- tha Dule duke njoftuar dhe vendimin e përbashkët për bashkëpunim në zgjedhje mes PBDNJ-së dhe PPD.

“Partia e Prosperitetit Demokratik që përfaqëson interesat e komunitetit gollobordas do konkurojë bashkarisht me PBDNJ.Për PBDNJ kjo përbën kënaqësi e obligim. Synimet tona janë të përbashkëta, respektim i të drejtave të minoriteteve.”- tha Dule duke informuar se Fetahu, kryetari i kësaj partie do të kryesojë listën e kandidatëve të PBDNJ-së në Elbasan.

(ad.ti/s.g/shqiptarja.com)