PD denoncon: Qeveria gënjen për borxhin publik, rezultat katastrofik për ekonominë e vendit

Ish deputetja e Partisë Demokratike, Jorida Tabaku ka denoncuar detyrimet e prapambetura ndaj biznesit të qeverisë Rama.

Tabaku ka deklaruar se grumbullimi i borxheve ndaj biznesit është rreth 70 miliardë lekë. Sipas saj sjellja e qeverisë që manipulon dhe fsheh borxhin kanë treguar që Shqipëria ka një borxh real më të madh se sa ajo që pohon qeveria.

Ajo ka paralajmëruar se rezultati i rritjes së borxhit do të jetë gjithnjë e më shumë katastrofik për ekonominë e vendit.

"Megjithëse ka premtuar se do të zhbënte detyrimet e prapambetura, Rama dhe qeveria e oligarkëve ka grumbulluar borxhe ndaj biznesit prej 70 mld lekë ndërkohë që pretendon se do të rrisë shpenzimet në infrastrukturë si vit elektoral.

Historia e detyrimeve të prapambetura që fshihen nga qeveria për t’u evidentuar sa nga FMN dhe nga KLSH. Në vitin 2018 detyrimet e prapambetura sipas raportit zyrtar të KLSH ishin 60.3 mld lekë ndërkohë që gjasat janë që detyrimet reale për 2019 do jenë edhe më të larta. Për vit, sjellja e qeverisë që manipulon dhe fsheh borxhin kanë treguar që Shqipëria ka një borxh real më të madh se sa ajo që pohon qeveria.

Rritja e detyrimeve të prapambetura, që është kthyer në gangrenë, dëshmon se qeveria nuk ka një vizion të qëndrueshëm ekonomik. Mes kontratave me PPP që po përthajnë të gjitha taksat e shqiptarëve, qeveria ka fryrë më shumë se çfarë mundet dhe shpenzimet e buxhetit. Rezultati do të jetë gjithnjë e më shumë katastrofik për ekonominë e vendit që nuk po merr mbështetjen e duhur. Paketat ekonomike të qeverisë ishin qesharake dhe të padobishme për biznesin, garancia sovrane ishte një karrem ku bizneset nuk ranë pre, ndërsa aktualisht mungon një paketë rigjeneruese për ekonominë. Nuk ka asnjë habi për rrugën pa krye që ka marrë Rama dhe shpura e tij. Ne duhet të bëjmë gjithçka për ta vendosur ekonominë më funksion të qytetarëve dhe duhet t’i japim fund keqpërdorimit të taksave dhe parave të shqiptarëve me PPP dhe shpenzime jo eficente në ekonomi. Vendi ka nevojë për frymëmarrje, ekonomia ka nevojë për incentiva dhe politika të reja fiskale. Taksa 9% për të punësuarit, heqja e tarifave të tepërta dhe përgjysmimi i lejeve dhe licencave janë vetëm një hap i asaj çfarë ne si PD dhe opozitë ofrojmë", shkruan Tabaku.

 

B.K./Shqiptarja.com
  • Sondazhi i ditës:

    A mendoni se forcat politike do arrijnë marrëveshje për çështjen e listave?

Komento

Komente

  • Iris: 06/08/2020 02:54

    Znj.Tabaku,ju nuk mund te mbani qendrim me dy standarte:nga nje ane I keni bere presion qeverise te beje lehtesime me subvencionime dhe ulje o falje taksash gjate kohes se korones e karantines,nga ana tjeter ,shqetesoheni per rritjen e borxhit.E pra ne se do ulje borxhi nuk ka me lehtesime ne taksa etj.

    Përgjigju
  • robi: 05/08/2020 21:19

    Tabakhone moj tabakhone A e sheh se cka na bone Baba jot hajdut tirone Dere me dere neper mejhone

    Përgjigju
  • PeDe: 05/08/2020 14:53

    Tabaku eshte e mire, ti kishte PD te gjithe emrat e listes si Tabaku, do kishim parlament te qyteteruar

    Përgjigju
  • Kapaku: 05/08/2020 13:23

    Po ku je moj kukulle me kish mar malli shummmmm!...me je hequr pak ...apo me duket mua...po prap e mir mbetesh...te kam fiksim...jam socialist i pa ndreqshem ...po kete radh do votoj juve me emer

    Përgjigju
  • pdpdpd: 05/08/2020 12:31

    Po kush jua var me juve moj , jeni te pavlere

    Përgjigju


×

Lajmi i fundit

John

Të dëmtuara nga tërmeti i 26 nëntorit/ IKMT shemb 12 pallate në Valias të Kamzës (VIDEO)