PD:E keqja s’njeh parti,por perversët
janë përfaqësuesit e oligarkisë 

TIRANË - Sipas deputetit të Partisë demokratike Skandali i Sarandës është mirëfill tregues i oligarkisë në veprim.

“Në të gjitha zyrat e Partisë në Shqipëri, në të gjithë zyrat e administratës, paguhet në këmbim të shërbimit, në këmbim të punësimit.”-shprehet Bylykbashi

Bylykbashi bie në një linjë me Ramën kur shprehet se e keqja nuk ka parti, por sipas tij këta funksionarë perversë janë përfaqësuesit e oligarkisë në pushtet.
 
Deklaratë e plotë deputetit të Partisë Demokratike Oerd Bylykbashi
Skandali i Sarandës në zyrën e Partisë Socialiste, ku mëkëmbësi i deputetit Kokëdhima kërkon favor seksual me një vajzë të mitur, në këmbim të një vendi pune, është mirëfilli tregues i oligarkisë në veprim.

Oligarkia Rama-Meta-Kokëdhima kështu funksionon. Në të gjitha zyrat e Partisë në Shqipëri, në të gjithë zyrat e administratës, paguhet në këmbim të shërbimit, në këmbim të punësimit.

Cirakët e oligarkëve që kanë ngritur rrjetin e merimangës në gjithë vendin, shpërdorojnë pushtetin dhe kërkojnë vazhdimisht favore , para, interesa, deri tek realizimi i dëshirave perverse që kanë.

Këta oligarkë e kanë marrë me kohë licensën për të poshtëruar qytetarët e vendit, qysh se vendosën aleancën para zgjedhore.

Licenca për shpërdorim në cdo drejtim, është dhënë nga Edi Rama, Ilir Meta, e Koco Kokëshima, qysh se ata caktojnë drejtorë, trafikantët e drogës, caktojnë në krye të këshillit të qarkut, të akuzuarin për rrëmbim fëmije, fusin në parlament të dënuarin për prostitucion.

Prandaj etika dhe morali i kësaj qeveria ka rënë përpara se oligarkët të vijnë në pushtet. Ata janë ngjizur në mëkat që në krye të herës, dhe nuk mund të presësh tjetër, përveç abuzimit, kudo e me këdo.

E vërtetë, këta funksionarë perversë nuk kanë parti, edhe pse skandali ndodh në Partinë Socialiste, ata nuk përfaqësojnë socialistët e ndershëm që nuk janë të paktë.

Këta funksionarë perversë që i trajtojnë zyrat si pronën e tyre private, janë përfaqësuesit e oligarkisë në pushtet.

Janë përfaqësuesit e oligarkisë Rama-Meta-Kokëdhima.
 
Redaksia Online
(a.h/shqiptarja.com)