POP 5

Lajmet më të lexuara të 5 minutave të fundit

Politikë

PD e LSI në Këshill, por pa ‘detyrat e shtëpisë’, Ivi Kaso: Draftin ta sjellë pala që bëri ndryshimet kushtetuese! Ballafaqim për koalicionet

Opozita jashtëparlamentare do të shkojë nesër në Këshillin politik, pa propozimet që iu kërkuan nga Damian Gjiknuri për koalicionet e listat e hapura. Në një intervistë për Report Tv Ivi Kaso thotë se drafti me propozime duhet të vijë nga shumica, pasi ajo me fuqinë e kartonit solli ndryshimet kushtetuese. Pritet që palët të debatojnë ne lidhje me koalicionet parazgjedhore.

Mazhoranca e refuzoi ftesën e Partisë Demokratike që Këshilli të mblidhet me urgjencë të mërkurën që kaloi, por opozita jashtëparlamentare nuk kërkon hakmarrje. Ajo është gati për të shkuar të premten në Këshill, ndonëse duket e papërgatitur për detyrat e shtëpisë.

Nesër në tryezën  e këshillit politik  Partia Demokratike dhe Lëvizja Socialiste për Integrim, do të shkojnë duarbosh përballë Damian Gjiknurit, i cili në mbledhjen e fundit i kërkoi propozime konkrete për pragun kombëtar zgjedhor,  afatet e paraqitjes se listës unike nga aleancat dhe  si do kryhet aspekti procedurial i votimit për kandidatet ne kushtet e listave te hapura duke ruajtur kuotat gjinore.

Eksperti për Reformën Zgjedhore në Partinë Demokratike Ivi Kaso thotë se propozimet duhet të vijnë nga shumica, pasi ajo inicioi ndryshimet kushtetuese.

“Do të ishte e udhës në kuadër të një këshilli normal dhe të një përpjekjeje serioze për të gjetur konsensus në kuadër të Këshillit Politik që pala e cila ka shtyrë në mënyrë të njëanshme ndryshimet kushtetuese por edhe ka thirrur mbledhjen, të paraqiste një draft nëse e kishte ose të bënte me dije vizioni sesi ndryshimet që ka bërë vet në Kushtetutë të përkthehen në amendamente në Kodin Zgjedhor” Shprehet eksperti i PD.

Kaso thotë se në takimin e së premtes, opozita jashtëparlamentare do të kërkojë në Këshillin Politik ballafaqim për koalicionet parazgjedhore.

“Në mbledhjen e nesërme. në vijim të mbledhjes së kaluar, do të ketë si pikë të parë të agjendës dhe të rendit të ditës çështjen e mos dakortësisë së palëve lidhur me heqjen e koalicioneve parazgjedhore dhe ndryshimin e formulës për shpërndarjen e mandateve” thotë ai.

Por koalicionet parazgjedhore nuk janë i vetmi shpëtim që opozita të shkojë e bashkuar në zgjedhje sipas Kasos. 

“Strategjitë tona elektorale janë të shumëfishta, parashikojmë çdo lloj skenari të mundshëm dhe ajo çfarë kemi thënë është që zgjedhjet e ardhshme do të prodhojnë rotacion me çfarëdolloj formule, ekzistence koalicionesh me formatin e vjetër apo formatet e reja që  mund të propozohen” Shprehet Kaso.

Partia Demokratike dhe aleatët e saj pretendojnë se ndryshimet kushtetuese u bënë për të dëmtuar koalicionin e Opozitës së Bashkuar, ndaj dy ditë më parë kryedemokrati Lulzim Basha thirri në seli trojkën e ambasadorëve që iniciuan edhe ngritjen e Këshillit me qëllim përfundimin e Reformës Zgjedhore.  Madje ata kërkojnë edhe ekspertizën e OSBE/ ODHIR për 3 çështjet që ndajnë palët, hapjen e listave koalicionet dhe pragun elektoral.

/G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Tosi: 18/09/2020 14:07

    Po akoma me Lesheline merreni ju. Po leshilikes se Nafije Dybekut ka vdekur qysh ne zgjedhjet e 30 qershorit. Ne asnje qytet nuk i gjendet me fara kesaj cizmeparticke te degjeneruar qe ngriti haremin e Jales me qellim vetem mashtrimin dhe degjenerimin e lristave erotiko naziskine, si dhe cizme particka qe mori nga rruga njerez dhe i beri superhajdute te tenderave fallco te rrugeve duke i lene rruget rrugeve si surrati i Kejdi Dhembcakalles.

    Përgjigju
  • Bobi: 17/09/2020 20:32

    Ivi Rroçka paska dal te fitoje buken e gojes

    Përgjigju
  • O SHQUPSA: 17/09/2020 18:23

    Neser mos harroni te kerkoni dhe kete temin!

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Lufta/ Sulm masiv me raketa në Kharkiv! Zelensky: 2025 bëhet viti i paqes për Ukrainën

Lufta/ Sulm masiv me raketa në Kharkiv! Zelensky: 2025 bëhet viti i paqes për Ukrainën

25 Dhjetor, 08:15