PD e LSI nisin mbledhjen e firmave për t’u regjistruar në zgjedhje, refuzojnë ‘mëshirën’ e deputetëve të opozitës: Nuk e njohim parlamentin

Partia Demokratike, LSI dhe partitë e tjera opozitare jashtë parlamenti nisin mbledhjen e firmave për t’u regjistruar në KQZ për zgjedhjet e ardhshme parlamentare.   Lënia e mandateve i detyron këta parti që para se të garojnë për t’u rifutur në Kuvend, të mbledhin firma të mbështetësve të tyre.

Konkretisht, neni 68, pika 1 e Kodit Elektoral kërkon mbledhjen e 5000 firmave nëse do të garojnë në lista të veçanta dhe 7000 firma nëse do të futen në zgjedhje  me një listë të përbashkët.

“Listat e kandidatëve për Kuvendin, të paraqitura nga partitë politike, të cilat nuk zotërojnë asnjë mandat në Kuvend, duhet të mbështeten nga jo më pak se 5 000 zgjedhës në shkallë kombëtare. Në rastin e koalicionit zgjedhor listat në tërësi duhet të kenë marrë mbështetjen e jo më pak se 7 000 zgjedhësve në shkallë kombëtare. Bën përjashtim nga ky rregull koalicioni, ku partitë  pjesëtare zotërojnë bashkërisht në Kuvend një numër mandatesh jo më të vogël se numri i partive pjesëtare të koalicionit” thuhet në Kodin Zgjedhor.

Ndonëse disa ditë më parë, në vetdeklarimin e tyre, deputetët e opozitës së re Korab Lita dhe Gjetan Gjetani janë regjistruar si deputetë përkatësisht të PD e LSI, cka do të shmangte procesin e mbledhjes së firmave, këta forca politike duket se nuk do të pranojnë ‘mëshirën’ e atyre që refuzuan djegien e mandateve.

Burime brenda opozitës thanë se nuk do ta shmangin procedurën e mbledhjes së firmave pasi nuk njohin parlamentin aktual.

Neni në Kodin Zgjedhor që detyron partitë jashtëparelamentare për 5000 firma

K.T./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A besoni se SPAK do të bëjë drejtësi për 21 janarin?



×

Lajmi i fundit

Eksperti i PD-së: Rënia e Euros rrit çmimet, qeveria të jetë më e kujdesshme

Eksperti i PD-së: Rënia e Euros rrit çmimet, qeveria të jetë më e kujdesshme