POP 5

Lajmet më të lexuara të 5 minutave të fundit

Arkiva

PD: Edhe pse Rama vetë ka firmosur inkrimimin e parlamentit, shqiptarët presin reagim

Deklaratë e koordinatores për mediat, Silvi Bardhi TIRANË, 3 Gusht /ATSH/ – Partia Demokratike ka vijuar edhe sot akuzat e saj për inkriminimin e Parlamentit. Koordinatorja për mediat, Silvi Bardhi u shpreh sot me anë të një deklarate për shtyp se, “Prej 24 ditësh, Edi Rama i ikën përgjegjësisë së drejtpërdrejtë që ka për inkriminimin […]
Partia Demokratike ka vijuar edhe sot akuzat e saj për inkriminimin e Parlamentit.

Koordinatorja për mediat, Silvi Bardhi u shpreh sot me anë të një deklarate për shtyp se, "Prej 24 ditësh, Edi Rama i ikën përgjegjësisë së drejtpërdrejtë që ka për inkriminimin e parlamentit, dhe për pasojat që ka sjellë kjo në jetën politike në vend".

"Kur shqiptarët panë deputetët e mazhorancës që goditën fizikisht brenda në parlament dhe kërcënuan me jetë opozitën për t'i mbyllur gojën, pritën që Edi Rama të mbante një qëndrim, edhe pse ishte ai porositësi i dhunës. Por, Edi Rama heshti", tha Bardhi.

"Kur shqiptarët mësuan me prova dhe panë dosjen e plotë të agresorit dhe kërcënuesit, deputetit Arben Ndoka, i dënuar për trafik prostitucioni në rrethana rënduese dhe për heqje të lirisë së tjetrit, pritën që Edi Rama të reagonte, edhe pse është ai që ka firmosur hyrjen e këtij personi me precedent penal në kuvend, veshjen e tij me mandat dhe imunitet. Por Edi Rama heshti, bëri të paditurin", shtoi Bardhi.

Sipas saj, "ka 24 ditë që Edi Rama nuk thotë asnjë fjalë për faktet tronditëse që dëshmojnë inkrimimin e parlamentit, me vullnetin, firmën dhe vulën e tij".

"Edi Rama jo vetëm nuk reagon por thellon projektin e tij të kapjes së shtetit, të institucioneve, të drejtësisë, pikërisht me ndihmën e aleancës kriminale që ka themeluar para zgjedhjeve, dhe po e shtrin sot në cdo zyrë e cdo hapësirë. Sa më shumë ditë të kalojnë, aq më shumë Edi Rama dhe heshtja e tij janë në faj dhe nën akuzë, për inkrimimin e parlamentit", përfundoi deklaratën e saj, koordinatorja për mediat, Silvi Bardhi. /ATSH/
 

/Shqiptarja.com
  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Fatos Çoçoli: Energjia sot dhe nesër

22 Janar, 18:53 nga Fatos Çoçoli