POP 5

Lajmet më të lexuara të 5 minutave të fundit

Politikë

PD: Edi Rama urdhëron dhunën
ndaj opozitës dhe thellon heshtjen

Partia Demokratike ka vijuar akuzat ndaj mazhorancës dhe kryeministrit Edi Rama për dhunën sipas saj të ushtruar nga deputetët e majtë Arben Ndoka dhe Pjerin Ndreu ndaj deputetit të PD Gent Strazimiri.
Partia Demokratike ka vijuar akuzat ndaj mazhorancës dhe kryeministrit Edi Rama për dhunën sipas saj të ushtruar nga deputetët e majtë Arben Ndoka dhe Pjerin Ndreu ndaj deputetit të PD Gent Strazimiri.

Deputetja e PD, Majlinda Bregu tha se pavarësisht denoncimeve të bëra nga opozita, kryeministri dhe qeveria vijojnë të heshtin. Bregu dënoi sipas saj edhe presionet e kërcënimet në drjetim të zëdhënëses Laura Vorpsi po nga deputeti Arben Ndoka.

Ditën e sotme kreu i PD Lulzim Basha i ka dorëzuar personalisht Prokurorit të Përgjithshëm Adriatik Lalla padinë ndaj deputetëve Ndreu e Ndoka, për dhunën sipas PD të ushtruar ndaj Strazimirit.

Më poshtë fjala e plotë për shtyp e Majlinda Bregu:
"E gjithë shoqëria, mbarë qytetarët flasin dhe janë të revoltuar nga goditjet fizike, nga dhuna ndaj deputetëve të opozitës, nga kërcënimi me  jetë i përfaqësuesve të Partisë Demokratike, prej deputetëve Arben Ndoka dhe Pjerin Ndreu, të porositur, frymëzuar dhe urdhëruar nga Edi Rama. Qytetarët janë të tronditur nga kërcënimi banditesk që deputeti Ndoka i ka bërë, zëdhënëses së Partisë Demokratike, Laura Vorpsi. Çdo ditë, po konfirmohet se Edi Rama ka ngritur një mekanizëm dhune e kërcënimi ndaj opozitës, ndaj fjalës së lirë. Edi Rama, shefi i përfaqësuesve të botës së krimit që godasin e kërcënojnë opozitën, hesht, bën shurdhin dhe të paditurin. Partia Demokratike i bën edhe një here të qartë Edi Ramës, se e mban atë personalisht përgjegjës, politikisht, ligjërisht e në mënyrë të gjithanshme, për çdo aktdhune e kërcënimi ndaj përfaqësuesve të opozitës. Partia Demokratike, është më e vendosur se kurrë që çdo ditë të bëjë transparencën e lidhjeve kriminale të Edi Ramës, dhe përfshirjen e krimit në nivelet më të larta të mazhorancës. Partia Demokratike bashkë me të gjithë shqiptarët e lire nuk do të lejojë që Shqipëria të kthehet në një oligarkitë mafias kriminale të Edi Ramës. Partia Demokratike do të jetë çdo ditë në krye të misionit të saj për të mos lejuar që Edi Rama dhe banditët e tij, të varrosin ëndrrën europiane të shqiptarëve." tha Bregu

/Shqiptarja.com
  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Raporti: Kina dhe Izraeli kryesojnë vendet që burgosin gazetarët

Raporti: Kina dhe Izraeli kryesojnë vendet që burgosin gazetarët

22 Janar, 20:10