POP 5

Lajmet më të lexuara të 5 minutave të fundit

Politikë

PD-LSI kërkojnë komisionerë në zgjedhjet e 30 qershorit! Rama: Absurd

Partia Demokratike dhe Lëvizja për Socialiste për Integrim, kërkojnë të jenë pjesë e procesit zgjedhor më 30 qershor 2019. Dy forcat politike që zgjodhën të mos marrin pjesë në garën elektorale për të zgjedhur kryetarët e rinj të 61 bashkive, pas djegies në bllok të mandateve të deputetëve, tashmë kërkojnë të kenë anëtarët e tyre, pra të PD-së dhe LSI-së, në Komisionet e Zonave të Administrimit Zgjedhor. 

TIRANE - Partia Demokratike dhe Lëvizja për Socialiste për Integrim, kërkojnë të jenë pjesë e procesit zgjedhor më 30 qershor 2019. Dy forcat politike që zgjodhën të mos marrin pjesë në garën elektorale me kandidatë për kryetarët e rinj të 61 bashkive, pas djegies në bllok të mandateve të deputetëve, tashmë kërkojnë të kenë anëtarët e tyre, pra të PD-së dhe LSI-së, në Komisionet e Zonave të Administrimit Zgjedhor.

Sekretari i Pëgjithshëm i Partisë Demokratike, Gazmend Bardhi, ka dhënë edhe një argument, se përse PD dhe LSI po marrin këtë hap duke kërkuar komisionerë, në kushtet kur zgjedhjet vendore të 30 qershorit ata i kanë bojkotuar. Sipas tij, ka informacione se në KZAZ janë duke ndodhur manipulime të procesit zgjedhor, siç sipas pretendimeve të PD-së dhe LSI-së, është regjistrimi i paligjshëm i kandidatëve për kryetar bashkie.

 “Partia Demokratike dhe Lëvizja Socialiste për Integrim kanë informacion zyrtar se në KZAZ janë duke u kryer manipulime të rënda të procesit zgjedhor, që nis me regjistrim të paligjshëm të kandidatëve për kryetar bashkie. Për këtë arsye, për të dokumentuar dhe çmontuar këtë paligjshmëri, PD dhe LSI, mund të shfrytëzojnë ligjin, për të dërguar anëtarët që i takojnë në KZAZ për të provuar ligjërisht që Edi Rama nuk garanton zgjedhje legjitime, edhe kur nuk ka kundërshtarë përballë. Në ditët në vijim do të faktojmë të gjitha paligjshmërinë e kryera nga përfaqësuesit e Edi Ramës gjatë procesit", thuhet në një reagim të Gazmend Bardhit, i cili thotë se të gjitha degëve të partive u janë dërguar porosi që të propozojnë anëtarët që i takojnë PD-së dhe LSI-së.

I ftuar në mbrëmje në "Opinion", kryeministri Edi Rama u pyet për këtë vendim të opozitës, të cilën e quajti absurd.

 Pse do hynë në zgjedhje ata? Kjo është çështje juridike. Edhe thonë nuk do të lëmë zgjedhjet, edhe nuk do futemi në zgjedhje edhe do djegim vendin, edhe do monitorojmë procesin. Kjo më duket një absurd, habi

Kryeministri Edi Rama

Burime jozyrtare pranë Partisë Socialiste thanë për Shqiptarja.com se nuk ka asnjë marrëveshje mes tyre dhe PD-së e LSI-së, që ka çuar në kërkesën e partive jokuvendore për të sjellë në mënyrë të papritur komisionerë. Madje, burimet nga kjo forcë politike, thanë se kjo është një tentativë e PD-së dhe LSI-së për të qenë në brendësi të procesit zgjedhor, me planin për të dëmtuar materialet zgjedhore, dhe për të penguar zhvillimin e zgjedhjeve më 30 qershor, njëjtë siç edhe kanë paralajmëruar më herët liderët politikë të opozitës jashtëparlamentare.

Edhe pse nuk janë regjistruar si parti për të marrë pjesë në zgjedhjet e 30 qershorit, PD-së dhe LSI-së, i lind e drejta ligjore të kenë komisionerë në qendrat e votimit. Sipas Kodit Zgjedhor, kjo e drejtë u lind nisur nga rezultati i zgjedhjeve pararendëse, parlamentaret e 2017-ës. Pra, se cilave parti u takojnë të kenë komisionerë, është përcaktuar para se forcat politike të regjistroheshin në zgjedhje.

Kodi Zgjedhor, në nenin 29, parashikon që kur partitë politike në opozitë nuk paraqesin kandidatët për komisionerë, vendet vakante plotësohen nga Komisioni Qendror i Zgjedhjeve me komisionerë të pavarur, të cilët plotësojnë kriteret ligjore. Por, pika 5 e këtij neni parashikon që anëtarët e KZAZ-ve të emëruar kryesisht qëndrojnë në detyrë deri në emërimin e anëtarëve të propozuar nga partitë politike. Sipas kësaj pike, zëvendësimi duhet të kryhet jo më vonë se 30 ditë nga dita e zgjedhjeve, pra më 31 Maj. 

Neni 29 Pika 5 i Kodit Zgjedhor

Para vendosjes së komisionerëve kryesisht, 18 marsi ishte afati i fundit për propozimin në Komisionin Qendror të Zgjedhjeve të anëtarëve të KZAZ. Por, historia e mosdërgimit brenda afateve ligjore të emrave për komisionerë nuk është e re në historinë e procese zgjedhore në Shqipëri, që kanë ardhur në kohë krizash politike. Edhe më herët ka ndodhur që komisionerët caktohen në momentin e arritjes së një marrëveshje mes palëve.

21 prilli ishte afati i fundit për regjistrimin e partive politike, dhe 3 maji për regjistrimin e koalicioneve në zgjedhje.

G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Hinglateri: 17/05/2019 10:35

    Edhe ju ha dhe u djeg Lushe Bashes Monik Ninilushes

    Përgjigju
  • liu: 17/05/2019 09:41

    duan te futen per te prishur zgjedhjet pse o cfare ehste hsteti ,kur duan keta te futen pastaj ata sjane askush popull jane. nje gje nuk kam kuptuar nga KQZ si quhet kryetar partie Fatmir Mediu,Nard Ndoka,Vangjel DUle,Paskal MIlo,Dashamir Shehi e plot si keta kur keta nuk marrin as votat e firmave qe kane dorezuar ne kqz. qe nga ky cast keto duhen shkrire dhe sduhen pranuar,ose minimumi mos financohen asnje lek nga taksat e popullit. eshte absurde te shesin mend ata dhe vendosin fatet e vendit ,pa i mbeshtetur askush. KQZ ka shume pune nqs do te punoje dhe jo rrine marrin leket kot per 1 pune ne dy vjet qe kane. KU ESHTE SHOQERIA CIVILE ,PSE HUJK NGRIHET PER KETO QE JANE THELBI I PROBLEMIT ,LE SINDIKATAT QE VETE KM DEKLAROI DO I KALOJ NE SITE DHE ,KAQ MJAFTOI E HENGREN PRESIONIN ATA DHE E ULEN KOKEN ,,AHHH SA GJERA QE DIHEN DHE NUK ZBERTHEHEN ME QELLIM ,SE SDUAN QE KY VEND TE BEHET ESHTE LIGJ I SHKRUAR NE GJITH BOTEN CDO QEVERI QE PUNON PER TE MIREN E POPULLIT DHE BEN REFORMA TE THELLA NUK MUNDET TE RREZISTOJE ME SHUME SE DY MANDATE SE DO VENDOS RREGULL ,POR KJO KA DHE PASOJA NE FILLIM DHE ESHTE LOGJIKE. POR TE BESH DHE REFORMA DHE TE THUASH ME KUPTONI DHE ME VOTONI SE E KAM PER TE MIREN TUAJ,I BIE QE POPULLI YHNE ESHTE ME INTELIGJENTI MBI TOKE.OSE REFORMAT JANE FASADE QE NISEN PER TU BERE SAKT,POR PASTAJ THJESHT ZBEHEN .POR AMA U NISEN....EHHH EMANCIPIMI ESHTEBAZA DHE KETA E DINE DHE NA PERDORIN ...QE NGA ME I VARFERI DERI TE JU GAZETARET QE BENI SIKUR DINI KU ESHTE LAJMI ,DHE VENI ATJU KU DUAN ATA TJU COJNE JO KU DUHET.

    Përgjigju
  • Hasan Pordha: 16/05/2019 23:25

    Ate qe peshtyne tani duan ta lepijne

    Përgjigju
  • redi: 16/05/2019 21:31

    Kerkesa e Opozites PD dhe LSI eshte e pandershme dhe antikushtetuese . Me ligj pjesmarrja ne zgjedhje dhe sidomos per KZAZ eshte qe partite duhet te jene parlamentare . Keshtu kerkesa rrezohet dhe PD dhe LSI te vazhdojne jeten jashtparlamentare . Degjuan Saliun dhe dolen bllof . Demokracia eshte dualig dhe jo lufte

    Përgjigju
  • Toni: 16/05/2019 21:00

    Lerini te marrin pjese ne komisionet zgjedhore. Beni ligjin me 10 vjet burg kush prish zgjedhjet dhe keshtu te shohim kush e merr ne balle per Lulush-Kryemadhin.

    Përgjigju
    • e bukur kjo: 17/05/2019 22:57

      lulush ahahaha i ke rene pikes toni pe betoni

  • Sondazhi i ditës:
    18 Nëntor, 08:54

    Besoni se buxheti 2025 do ndikojë pozitivisht në të ardhurat e qytetarëve?

Lajme të tjera



×

Lajmi i fundit

Tenis/ Sinner mposht Fritz dhe triumfon në finalet e Torinos, italiani numri 1 në botë

Tenis/ Sinner mposht Fritz dhe triumfon në finalet e Torinos, italiani numri 1 në botë

18 Nëntor, 10:08