PD i kundërpërgjigjet Gjiknurit/ Salianji: PD i dha leje minerare kompanisë së Begos, por ai s’ishte pronar në 2009

Partia Demokratike ka reaguar sërish pas përgjigjes së ministrisë së Transporteve lidhur me akuzat për dhënie tenderash për biznesmenin Edmond Bego.

PD tha se kompania e Begos nuk duhet të merrte leje inerte, përsa kohë që Bego ka patur një dënim gjyqësor të formës së prerë.

Më herët, Ministria e drejtuar nga Damian Gjiknuri, sqaroi në një deklaratë për mediat se procedura e ndjekur nga ministria është kryer në transparencë të plotë, dhe se ka qenë qeveria demokrate që i ka dhënë një leje të njëjtë kompanisë së Begos në vitin 2009.

LEXO EDHE:
Nesër Kuvend/ Opozita interpelancë me dy ministra! Balla raporton për 'krimin', Manastirliu për rezultatet e PISA

Por është Ervin Salianji, që në emër të PD-së, thotë se në kohën kur kompanisë “Interte expres” iu dha leja, ajo nuk ishte në emër të Edmond Begos.

Deklarata e plotë e Salianjit

Damian Gjiknuri nuk mund të fshihet pas së kaluarës dhe as të mashtrojë qytetarët me teknikalitete, që mbulojnë të vërtetën.

Njoftimi i fituesit nga Ministria e Gjiknurit nuk flet për pjesëmarrës të tjerë në garë, çka do të thotë se leja i është dhënë praktikisht pa garë mikut trafikant droge të Taulant Ballës.

Mashtrimi tjetër i Damian Gjiknurit është se Edmond Bego ka marrë leje minerare në vitin 2009 nga një ish ministër demokrat. Në vitin 2009 “Inerte Expres”nuk ka qenë në pronësi të Edmond Begos. Në vitin 2009, Edmond Bego u arrestua nga Qeveria e Partisë Demokratike si një nga anëtarët më të rrezikshëm të bandës më të pamëshirshme, bandës së Lushnjës.

Është fakt i pandryshueshëm se Damian Gjiknuri ka firmosur një leje minerare për një të dënuar me 21 vjet burg për trafik ndërkombëtar droge.

Prandaj është urgjente që prokuroria të hetojë nëse Taulant Balla ka bërë sekserin e mikut trafikant tek Damian Gjiknuri dhe kudo tjetër që ka marrë miliona euro nga paratë publike në kundërshtim me ligjin. Provat në Dokumentat më poshtë, QKB dhe kontrata e shitjes.

Dokumenti i publikuar nga Salianji lidhur me lejen minerare qe PD i dha kompanise "Inerte Expres"

TAG:
• edmond bego

Sondazhi i ditës:

1 maji, a respektohen të drejtat e punëtorëve në Shqipëri?

• Po

  24.4%

• Jo

  15.6%

• Nuk e di

  60%

Vota total: 10028

• Sondazhi i ditës:

  1 maji, a respektohen të drejtat e punëtorëve në Shqipëri?

  Po Jo Nuk e di