POP 5

Lajmet më të lexuara të 5 minutave të fundit

Ekonomi

PD, Mima: Rama po fsheh buxhetin
e terrorit ndaj biznesit

Deputeti i Partisë Demokratike Florion Mima, ka deklaruar se, kryeministri Edi Rama po fsheh buxhetin. Sipas tij, projekbuxheti duhej që të ishte paraqitur që në datën 1 nëntor 2013.
PD, Mima: Rama po fsheh buxhetin<br />e terrorit ndaj biznesit
TIRANË - Deputeti i Partisë Demokratike Florion Mima, ka deklaruar se, kryeministri Edi Rama po fsheh buxhetin. Sipas tij, “në Ligjin Nr. 9936, datë 26.6.2008 “Për menaxhimin e sistemit buxhetor në Republikën e Shqipërisë”, neni 29, paragrafet 2 dhe 4, thuhet se: “Kryeministri i vendit, miraton buxhetin në qeveri deri më datën 25 tetor dhe se, brenda datës 1 nëntor, ai duhet t’i jetë paraqitur Kuvendit”.

“Sot është data 11 dhjetor dhe jo që në Kuvend nuk ka mbërritur asgjë, por as në qeveri nuk është miratuar projekt-dokumenti më i rëndësishëm ekonomik, financiar, social dhe zhvillimor i vendit”, deklaroi Mima gjatë konferencës për median.

Mima deklaroi se, “Partia Demokratike do të ç’pojë me shifra, fakte dhe argumente këtë tullumbace demagogjike dhe propagandistike të kryeministrit sapo dokumenti buxhetor dhe politikat e shkruara të vijnë në Kuvend”.

“Paraprakisht - tha deputeti demokrat, - vërejmë se projekti i ri buxhetor dhe politikat e taksave, janë jo në mbështetje të 95% të shqiptarëve, por kundër interesave të 100% të tyre. Ky është buxheti i demagogjisë, i pasigurisë, i terrorit mbi biznesin dhe konsumatorin, është buxheti i mllefit dhe urrejtjes ndaj shtresës së mesme dhe buxheti i varfërimit të mëtejshëm të të varfërve”.

“Me këtë akt, do të varfërohen më shumë të tërë konsumatorët shqiptarë, do të varfërohen qindra mijëra nxënës dhe studentë, do të goditen pronarët e ambienteve të bizneseve të vogla, të cilët, atë që gjoja do të fitojnë nga taksa më e ulët mbi biznesin e vogël, do ta lënë shumëfish nga rritja e tatimit mbi pasurinë. Do të varfërohen mbi një milion konsumatorë të produkteve të duhanit dhe mbi çerek milionë shqiptarë që përdorin karburantin për lëvizjen me automjetet e tyre”, deklaroi gjatë fjalës së tij, deputeti, Florion Mima.

Me këtë akt do të goditen të gjitha bizneset e mëdha, tha deputeti i PD-së, sipas të cilit, do t’u duhet të paguajnë më shumë për të kënaqur premtimet ekstravagante të qeverisë për gjoja taksim të drejtë e të ndershëm.

“Atyre do t’u duhet të paguajnë më shumë duke kyçur në sirtar planet e tyre për më shumë investime, më shumë eksport, më shumë punësim. Projekti i ri dhe paketa shoqëruese fiskale do të rrënojnë edhe atë avantazh modest krahasues që ekonomia dhe vendi ynë u ofronin investitorëve të huaj të drejtpërdrejt. Ne jemi këtu për të qëndruar dhe do të qëndrojmë fort në mbrojtje të interesave të të gjithë shqiptarëve!”, përfundoi deklaratën e tij, deputeti demokrat, Florion Mima.
 
Redaksia online
(ac/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

28 Nëntor, 23:04