POP 5

Lajmet më të lexuara të 5 minutave të fundit

Politikë

PD: Ndoka ka vuajtur dënimin në 
Itali pë trafik prostitucioni, ja faktet

Partia Demokratike ka bërë publike disa prova sipas saj që vërtetojnë sipas saj se deputeti i PS Arben Ndoka jo vetëm ka qenë i dënuar në Itali për trafik prostitucioni, por se ka vuajtur një pjesë të dënimit në burgun e Varezes. VIDEO
PD: Ndoka ka vuajtur dënimin në <br />Itali pë trafik prostitucioni, ja faktet
TIRANE - Partia Demokratike ka bërë publike disa prova qe sipas saj që vërtetojnë se deputeti i PS Arben Ndoka jo vetëm ka qenë i dënuar në Itali për trafik prostitucioni, por se ka vuajtur një pjesë të dënimit në burgun e Varezes.

Deputeti i PD Flamur Noka, në një dalje për shtyp, ka publikuar dokumentat që sipas tij tregojnë se akuzat ndaj deputetit të mazhorancës Ndoka janë të vërteta. Jo vetëm kaq, në një nga dokumentat e paraqitur nga PD, pretendohet se vetë deputeti socialist I ka dërguar një kërkesë Gjykatës së Romës për 3 vite, nga 7 vite e 6 muaj që ishte dënuar.
 
“Partia Demokratike paraqet sot prova të reja, që vërtetojnë se Arben Ndoka, jo vetëm është dënuar në Itali, por edhe ka vuajtur një pjesë të dënimit në burgun e Varezes.  Ndalimi që i kanë bërë në 2002 në Itali, nuk ka qënë një keqkuptim që është sqaruar, por ai ka nisur vuajtjen e dënimit atje dhe më pas është transferuar në Shqipëri. Kemi këtu kërkesën e deputetit të Edi Ramës, dërguar Gjykatës së Romës për të marrë falje për 3 vite, nga 7 vite e 6 muaj që ishte dënuar. Kjo dëshmon se deputeti i Edi Ramës ka pranuar vetë akuzën dhe dënimin për trafik prostitucioni në rrethana rënduese. Kjo tregon se deputeti i Edi Ramës ka pranuar vetë akuzën dhe dënimin për rrembim personi.” tha Noka

Duke vijuar më tej, deputeti Noka vijoi akuzat ndaj mazhorancës për lidhje të saj me krimin, që kanë shkuar sipas tij deri në Parlament.

“Faktet e reja, vërtetojnë edhe një herë se Edi Rama ka veshur me imunitetin e deputetit, një person me të kaluar të rëndë kriminale. Edi Rama i hapi rrugën hyrjes në Kuvend, të deputetit të tij me këtë të kaluar kriminale, duke shmangur nga lista dy kandidate gra. Dhe Edi Rama hesht prej një jave, edhe pse emri që ai kërkoi u bë publik, edhe pse provat që ai kërkoi u bënë publike. Rama hesht, edhe pse deputeti i tij i dënuar nga drejtësia italiane , godet dhe kërcënon përfaqësuesit e opozitës. Heshtja e Ramës, është prova e gjallë se Edi Rama është i lidhur me krimin që ka hyrë në parlament.” përfundoi Noka

Deputeti i PS Arben Ndoka akuzohet nga opozita se ka qenë I dënuar në Itali për trafik prostitucioni, ndërsa dy ditë më parë vetë kreu i PD Lulzim Basha dorëzoi në Prokurori kallëzim penal ndaj Ndokës për kërcënime sipas kësaj force politike që i janë bërë nga deputeti ndaj zëdhënëses së PD, Laura Vorpsi

PDF - Shkresa që deputeti Ndoka i ka dërguar gjykatës së Romës ku kërkon ulje të dënimit

Redaksia Online
(e.c/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Dhjetëra automjete të KFOR-it drejt veriut

Dhjetëra automjete të KFOR-it drejt veriut

30 Nëntor, 08:01