Partia Demokratike ka festuar fitoren në Qarkun e Lezhës, ku pas përfundimit të numërimit, arriti të ruante mandatin e katërt. Festimi i fitores konfirmon që PD-ja do t’i njohë zgjedhjet në qarqet ku ka fituar, por nuk do t’i njohë në zonat ku ka humbur.

“Faleminderit nga zemra secilit prej jush që besuat dhe qëndruat me Partinë Demokratike! Përballë gjithë makinerisë së pushtetit, qytetarët e qarkut Lezhë folën qartë, besimi nuk blihet, dinjiteti nuk nëpërkëmbet! Ky rezultat është fitore e përbashkët, e çdo votuesi, komisioneri, numëruesi dhe e çdo qytetari që mbrojti demokracinë me dinjitet e përkushtim. Mirënjohje të veçantë për kryesinë, drejtuesit e shtabeve, kryetarët e degëve, sekretarët dhe strukturat tona në Kurbin, Mirditë dhe Lezhë. Suksese deputeti Kastriot Piroli“, shkruan deputetja Elda Hoti.

Gjithashatu, kandidatët fitues të PD-së do t’i marrin mandatet e deputetëve, edhe pse Berisha ka deklaruar se nuk do t’i njohë zgjedhjet, pasi sipas tij janë manipuluar./ Prapaskena