Një artikullshkrues thoshte se “ribashkimin apo ringritjen e Partisë Demokratike e ka në dorë vetëm Berisha”. Unë mendoj se as Berisha, as Alibeaj, dhe as Salianji, apo ndonjë tjetër, nuk do të mund të ringrejnë më kurrë atë parti. Ajo forcë politike, e nisi shkërrmoqjen 30 vite më parë, qysh asokohe kur Sali Berisha i rrëmbeu asaj gjithçka. I rrëmbeu me dhunë verbale dhe fizike, stemën, firmën, vulën, flamurin, idetë, programin, alternativën, i rrëmbeu historikun dhe flaku në rrugë njerëzit më të mirë të saj.
PD, ishte e para parti politike që vinte nga sallat e fakulteteve, nga grevat studentore, vinte nga hovi rinor i studentëve, që me protestat e tyre përmbysën regjimin dhe kishin ëndërr “Shqipëria në Europë”. Ajo parti u krijua si simbolikë e ndryshimit historik, që po pësonte vendi, dhe aderuan brënda saj studentë, profesorë, intelektualë, gazetarë dhe militantë me shpirt dhe ide të pastra. Rrugës ajo parti u deformua, u përdhos aq keq, sa dhe sot nuk ka shansin të ribashkohet, të ringrihet, të paktën në nivelin e vitit 1992. Sot PD është partia e Berishës, strukturat janë të tij, baza e tij, zyrat të tij, primaret dhe çdo zgjedhje apo zgjidhje, janë të tij.
Ajo parti, duket sikur të ringjall Partinë e Leninit. Asgjë nuk bëhet pa dijeninë e Berishës, asgjë nuk thuhet apo dhe mendohet pa e ditur Berisha. Gjendja e cila ka kapluar atë forcë politike, nuk e ka burimin tek Basha apo Alibeaj, por tek fryma dhe drejtimi që i ka dhënë me qasjen apo disi largimin e tij Berisha. Ai ndodhej aty, edhe kur dha dorëheqjen, ai ndodhej aty edhe kur Basha bënte “të fortin”, dhe turfullonte pas çdo veprimi që binte ndesh me interesat e ish-liderit. Ringritja dhe ribashkimi i Partisë Demokratike (në mungesë të një opozite të re e cila duhej të kishte dalë tanimë) de facto duhet të jetë edhe në interesin e kundërshtarit të saj politik, Partisë Socialiste.
Kurrë nuk duhet menduar dhe pranuar se, zgjedhjet dhe jeta e shëndoshë politike, mund të jenë në parametrat e një demokracie europiane, në rast se nuk ka opozitë aktive në një vend që pretendon se ka përmbysur monizmin. Por ajo ç’ka po ndodh me Partinë Demokratike, mbetet sa enigmatike aq edhe djallëzore. Dikush po e mban peng, dikush po e tërheq zvarrë, dhe ky “dikushi” do të vazhdojë ta mbajë ashtu të copëzuar derisa ajo të shkrihet si forcë politike. Manovrat e Berishës me partinë e tij, ngjajnë si dy pika uji, me ato që bënte dikur Stalini me Partinë Bolshevike.
Nga Partia Demokratike, kanë dalë 10 herë më shumë “armiq dhe tradhëtarë”, sa ç’kanë dalë nga PKSH. Dhe kjo është shqetësuese për çdo shqiptar, apo dhe ndërkombëtar. PD është sot në rrezik shpërbërje totale, edhe pse vendimi i Apelit mund të favorizonte Berishën apo Alibeajn, ndaj mendoj se fatin e saj e kanë në dorë baza, anëtarëtarësia dhe mbështetësit e paanshëm, dhe jo ata që e katandisën në këtë gjendje që është sot.
Lajme të tjera
-
Detyrim paraqitjeje për dy gazetarët, Sali Berisha: Artan Hoxha anëtar i bandës Bajri! T'i hiqet masa Qynos
25 Nëntor, 17:31 -
Trafikanti që mbështet Berishën: Nuk më lejuan të futesha në sallën ku Rama mbajti takimin! Isha i maskuar po më njohën
25 Nëntor, 13:01 -
Afera 'Partizani’/ GJKKO shtyn më 16 dhjetor seancën paraprake për Berishën, dhëndrin dhe 3 të tjerët! Avokati Gjokutaj: Strasburgu po shqyrton me prioritet dosjen e ish-kryeministrit
25 Nëntor, 12:52 -
Data për zgjedhjet 2025/ PS dhe Celibashi i propozojnë presidentit 11 majin, Klosi: T'ju lemë më shumë kohë emigrantëve! PD refuzon konsultimet, Berisha: 'Haram Bego' vendos çfarë i thotë Rama
25 Nëntor, 08:20 -
Mero Baze: ‘Antimitingu’ dhe ‘rrahja’, identiteti primitiv i Sali Berishës
25 Nëntor, 07:03
-
Berisha nga ballkoni përdor vdekjen e 14-vjeçarit: Nesër nderojmë Martin Canin, të martën protestë në Tiranë! Rama dhunoi emigrantët në Londër
24 Nëntor, 20:29 -
PD akuzon Ramën për takimin e Londrës: Pasi i dëboi nga Shqipëria, i dhunoi emigrantët në kryeqytetin britanik! Do përgjigjet
24 Nëntor, 19:03 -
Protesta e opozitës më 26 Nëntor/ PD publikon 5 rrugët dhe pikat që do bllokojë në Tiranë! Ja ndarja e deputeteve
24 Nëntor, 18:48 -
Basha për takimin dhe antimitingun në Londër: Turp e faqja e zezë për Ramën dhe Berishën! Ata i duan shqiptarët mish për top, pazare dhe për pushtetin e tyre
24 Nëntor, 18:20 -
Militantë të Berishës protestojnë kundër Ramës në Londër (VIDEO)
24 Nëntor, 12:59 -
Gjikondi: Ja taktika e çiftit Meta-Kryemadhi për të shpëtuar pronat e vendosura në mënyrë të paligjshme! Ja pse administrata Trump nuk do t’i heqë ‘non-gratën’ Berishës
24 Nëntor, 12:13 -
Berisha: Rama mizogen, e tregon edhe në kabinet me gratë
24 Nëntor, 11:00
