POP 5

Lajmet më të lexuara të 5 minutave të fundit

Opinion

PD nuk ka patur kurrë statut

Ndodhi ajo që mendohej dhe ishte paravendosur qysh më parë nga Lulzim Basha dhe sejmenët e tij të rinj dhe të vjetër që kanë mbetur në atë parti.
PD nuk ka patur kurrë statut

Kryetari i PD, Lulzim Basha

Ndodhi ajo që mendohej dhe ishte paravendosur qysh më parë nga Lulzim Basha dhe sejmenët e tij të rinj dhe të vjetër që kanë mbetur në atë parti. Ndryshimet në “statut” u kthyen në luftë ndaj çdo zëri ndryshe dhe betejë pa kompromis ndaj “elementëve armiqsorë” që sipas tyre “duan ta dobësojnë dhe dëmtojnë partinë”.

Llogjikë sa marksiste aq edhe enveriste, e drejtimit dhe perceprimit të situatave në të cilën po kalon prej vitesh, veçanarisht muajt e fundit partia më e madhe (në fakt ishte e madhe) opozitare në politikën shqiptare. Por realisht Partia Demokratike nuk ka patur ndonjëherë de jure statut të partisë të zbatueshëm, pasi atje ka vendosur gjithmonë përgjatë 20 e ca vitesh vetëm NJESh-i, kurse të tjerët kanë qenë vetëm zero të panumurta.

Ajo çfarë ishte paralajmëruar qysh më parë nga sejmenët e Lulit, doli bllof i turpshëm, dhe ajo çfarë ishte parashikuar rezultoi e saktë. Pra Lulzimi mblodhi të shtunën (si gjithmonë) kryesinë, lexoi rendin e ditës, foli mjaft mbi rëndësinë e statutit “të ri”, mbi eksperiencën e marrë në partitë “simotra” në Europë, dëgjoi edhe ndonjë zë kundërshtar, dhe pastaj imponoi me “votë” gjithçka kishte paravendosur. Partia Demokratike e ka mbledhur pasditen e të shtunës kryesinë, pasi grupi i punës ka mbledhur propozimet për ndryshimet në statut. Propozimet u deklarua se kishin ardhur “nga analiza partitë simotra, kritikët dhe anëtarësia”, ndërkohë që në bazë nuk është diskutuar asgjë nga ato që deklaron Luli.

Sipas tij “statuti i ri ka në fokus demokracisë dhe forcimin e anëtarësisë, ku propozohet që deputetët të zgjidhen nga anëtarësia”, një gënjeshtër banale e tij, që rezultoi një mashtrim edhe në zgjedhjet e kaluara. I pari që ka dalë i zhgënjyer nga mbledhja e kryesisë ishte Arben Imami pasi ka shprehur rezerva për draftin, duke u shprehur se “duhet garantuar dorëheqja e kryetarit në rastin e humbjes së tij në zgjedhje”. Imami e deklaroi se “kryetari nuk jep dot përgjigje për gjëra të rëndësishme, nuk më duket e arsyeshme që ai të zgjidhet një herë në çdo 2 vjet, kur humb zgjedhjet duhet të largohet, dhe kjo duhet të jetë e fiksuar mirë.

Çdo dy vjet mund të bëhet një verifikim. Duhet të ketë një rregull në statut për mandatin e kryetarit”. Por pavarsisht se çfarë deklaron sot Imami, apo ndonjë tjetër zë kundër Lulzimit, e vërteta është se “statuti” në atë parti, ka qenë gjithmonë zëri dhe fuqia e NJESH-it. Gjithçka vendosej dhe zhvendosej kur donte NESH-i, kryesia dhe Kuvendi Kombëtar thirreshin kur vendoste ai, ndryshimet, afrimet dhe largimet bëheshin kur urdhëronte ai. Por e njëjta gjë ka ndodhur dhe po ndodh edhe me Lulzim Bashën, njeriun që ka kopjuar deri në detaje NJESH-in e tij.

Edhe Lulzimi sot, thërret ose nuk e mbledh fare për vite me rradhë jo vetëm Kuvendin Kombëtar, por edhe kryesinë e asaj partie. Edhe Lulzimi sot në PD, ka arritur të mbledhë rreth vehtes sejmenë dhe vocërrakë, që i thonë “lepe-peqe” atij dhe po tallet me statutin, parimet, vlerat dhe simbolet e PD.

Ajo parti kurrë nuk ka patur de jure statutin e saj, kurrë statuti i saj nuk ka funksionuar sipas parimeve dhe normave të një partie politike në demokraci. Partia Demokratike e Lulzimit, është e pandarë nga konceptet dhe vazhdimësia e së kaluarës, dhe kjo u vërtetua së fundi edhe tek histeria me të cilën ai dhe “gjaku i ri i partisë” shtypën dhe dhunuan zërat kundër. Ajo çfarë vendosi së fundi kryesia e Lulzimit, ishte vazhdimësia e rrugës së gabuar (për të mos thënë e qëllimshme) që ka nisur prej 5 vitesh Partia Demokratike e drejtuar prej tij, duke e shtyrë dhe zhytur atë parti edhe më shumë në ullitë e kaosit dhe pasigurisë, duke shuar çdo shpresë të mijëra demokratëve të zhgënjyer për ndryshim.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça