PD protestë me molotovë, 10 policë të lënduar! Policia thirrje protestuesve: Ndaloni sulmet

Foto: Punonjës policie në protestën e PD, 7 tetor 2024

10 efektivë policie kanë mbetur të lënduar pas shpërthimeve me molotov gjatë protestës së PD. Policia e Shtetit i bën thirrje protestuesve që të ndalin sulmet.

Po ashtu Policia thote se ka marrë të gjitha masat për identifikimin, kapjen dhe shoqërimin e personave të përfshirë në sulme mbi Policinë dhe institucionet shtetërore.

Shërbimet e Policisë janë të angazhuara maksimalisht për mbrojtjen e institucioneve shtetërore, pronën publike dhe private, jetën e qytetarëve dhe të vetë punonjësve të Policisë. Që prej fillimit të tubimit një pjesë e qytetarëve në tubim sulmuan e vijojnë te sulmojnë Policinë dhe godinat e institucioneve shtetërore me molotov e lëndë plasëse.

Deri në këto momente nga sulmet e qytetarëve në tubim, me molotov, lëndë piroteknike e sende të forta  ndaj Policisë, janë dëmtuar 10 punonjës Policie. Policia e Shtetit iu bën thirrje qytetarëve pjesëmarrës në tubim, të ndalojnë sulmet me molotov e lëndë piroteknike mbi Policinë dhe institucionet shtetërore.

Policia ka marrë të gjitha masat për identifikimin, kapjen dhe shoqërimin e personave të përfshirë në sulme mbi Policinë dhe institucionet shtetërore.

Lajmi kryesor:

'Mosbindja civile' e PD-së zgjat më pak se 4 orë! Sulmohet me molotov selia e PS, Kryeministria, ministritë e Bashkia! Më pak protestues se u paralajmëruan

SI.E./Shqiptarja.com

TAG:
• policia e shtetit
• sali berisha
• PD
• protesta e opozites
• protesta e 7 tetorit