PD: Që nga 2017, Rama 147 mln € për punësimet elektorale në shtet (VIDEO)

Një ditë pasi akuzoi qeverinë se ka përdorur reformën territoriale për të punësuar në shtet militantë, Partia Demokratike thotë se në 3 vitet e fundit, pra nga 2017-a, janë paguar 147 milionë euro për 21 mijë punësime në qeverinë qendrore dhe lokale.

Sipas PD-së administrata është kthyer në degë partie dhe pagat e të punësuarve me kontrata të përshkueshme në shtet, shkojnë më shumë se vlera për përballimin e pandemisë COVID.

DEKLARATË E PARTISË DEMOKRATIKE, DHURATA ÇUPI

Shqipëria po vuan sot pasojat e keqqeverisjes nga Edi Rama. Kryeministri në ikje nuk ka menduar të investojë për shëndetësinë, për arsimin, për hapjen e vendeve të reja të punës, por për të blerë vota me paratë e taksapaguesve shqiptarë.

Sot, vendi është më keq, qeveria nuk jep para për biznesin e vogël në vështirësi të jashtëzakonshme, sepse paratë shkojnë për të paguar militantët partiakë.

Edi Rama ka paguar një mal me para për të punësuar në shtet me kontrata të përkohshme mbi 13 mijë persona që nga viti 2017, duke e shndërruar administratën në një degë të partisë në pushtet.

Me firmën e tij, qeveria e Edi Ramës i ka miratuar këto kontrata përmes 23 vendimeve, duke nxjerrë nga arka e shtetit rreth 55 milionë euro për punësimet elektorale.

Një ditë më parë, ne hodhëm dritë mbi punësimet elektorale në pushtetin lokal, ku për 8100 persona të punësuar shtesë nga bashkitë, janë paguar edhe 92 milionë euro të tjera në 2 vjet.

Llogaritë elektorale të Edi Ramës janë një barrë e rëndë për arkën e shtetit dhe për qytetarët e vendit më të varfër të Europës.

Janë 147 milionë euro të shpenzuara vetëm 3 vitet e fundit për mbi 21 mijë punësimet elektorale të Edi Ramës në qeverinë qendrore dhe lokale. Janë 147 milionë euro të cilat kanë shkuar për paga partiake dhe elektorale. Janë më shumë para sesa Edi Rama dha për përballimin e pandemisë me paketat e tij gjysmake.

Kryeministri në ikje e ka bërë zgjedhjen e tij. Më paratë e shqiptarëve nga taksat e rritura, ai paguan oligarkët me koncesione 120 milionë euro në vit, paguan dhe punësimet partiake, plot 147 milionë euro.

Këto janë fakte se ne nuk jemi të varfër, por jemi të vjedhur dhe kemi mbetur vend më i varfër në Europë, ku 1 në 3 shqiptarë ushqehet vetëm 1 herë në ditë.

Të mbyllen me mijëra biznese, të mungojnë tamponët për testimet antiCOVID, të mos ketë investime në shëndetësi, të nos hidhet asnjë qindarkë për mësimin online, sepse kryeministri ka zgjedhur të paguajë miliatantët partiakë dhe jo të mbështesë biznesin, është kriminale!

Edi Rama do të largohet me turp nga pushteti. Makinacionet e tij elektorale që na kushtojnë qindra milionë euro do të zhbëhen nga vota plebishitare e shqiptarëve për të zgjedhur një qeveri dhe kryeninistër normal, që punon për interesin publik

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Tiranasi: 12/08/2020 14:57

    Na cat by...n maloke te qelbur ngelet ne ekrane tu bo propagante nga mengjezi deri ne dark vetem tu e trullos kete Milet vetem me genjeshtra dhe shpifje ore palo njerezDhurate Bardh Orjole nuk ju besojme juve dhe partise tuaj ju kemi pare edhe juve ne pushtet se si e keni drejtuar kete popull E kemi humbur besimin Voten do ja japim njerezve te rinj te paster dhe punetor Koha juaj ka mbaruar nuk mund tju a japim shancin per te dyten here

    Përgjigju
  • Alniku: 12/08/2020 12:44

    ka mundësi të mos flisni fare po fare se ju e ndat Shqipërinë në 200 komuna vetëm për të punësuar militantët dhe i kishit zgjedhjet në xhep far e keqe të gjithë të këqijat e vendit tonë nga ju kan ardhur.

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet