PD: Rama promovon Ndokën, pasi
sulmoi opozitën e vë në rresht të parë

Partia Demokratike ka vazhduar me akuzat ndaj kryeministrit Edi Rama se po promovon deputetin Arben Ndoka edhe pas sulmit ndaj opozitës. “Edi Rama prej dy javësh hesht, për agresionin banditesk ndaj përfaqësuesve të opozitës në parlament. Prej dy javësh hesht Edi Rama edhe pse u publikua dosja e plotë e lidhjeve të tij kriminale dhe e depërtimit të trafikut të qënieve njerëzore dhe pengmarrësve në parlament. Hesht prej dy javësh, edhe kur deputeti i tij me të kaluar kriminale, Arben Ndoka, kërcënoi me jetë zëdhënësen e Partisë Demokratike.  Duhet pranuar se dje, më në fund Edi Rama pati nje reagim. Teksa fliste për rendin dhe sigurinë, ai e kishte vendosur deputetin Ndoka, në radhën e parë, përballë tij.  Pas këtyre bëmave mafioze, Edi Rama ka vendosur ta promovojë deputetin e dënuar për shfrytëzim prostitucioni në rrethana rënduese dhe heqje të paligjshme të lirisë së tjetrit”, ka thënë koordinatorja për mediat në PD, Silvi Bardhi.

Gjithashtu ajo ka dwnuar edhe kryetarit të Kuvendit, i cili tha se opozita është me pushime të parakohëshme.

“Kjo është një sjellje e dënueshme, pasi deputetët e Partisë Demokratike kanë ndërprerë marrdhëniet me atë kuvend ku janë instaluar strukturat e dhunës anti-opozitë, për të shmangur gjakdershjen.  Me pushime të parakohshme është llogjika dhe mendja e dyshes Meta-Rama”, ka theksuar Bardhi.
 

Redaksia Online
(g.f/shqiptarja.com)