'Negociatat', opozita skeptike, PD: Rekomandimi me kusht, dështim. LSI: Shqetësuese krimi e droga

Partia Demokratike është skeptike sa i takon rekomandimit të Komisionit Europian për çeljen e negociatave me Shqipërinë. Deputetja e PD, Jorida Tabaku, deklaroi pas prezantimit të progres-raportit, se është hera e tretë që Brukseli rekomandon çeljen e negociatave, ndërsa thekson se rekomandimi me kusht është dështim për qeverinë.  

Komisioni rekomandon për herë të tretë hapjen e negociatave.

Shqipëria e nisi rrugëtimin e saj në Europë që nga dita e parë e ardhjes në pushtet të Partisë Demokratike në vitin 1992. Kjo si pasojë e një vokacioni të brendshëm të shqiptarëve të cilët zgjodhën hyrjen në Europë përballë perdes së hekurt që kish vendosur diktatura komuniste në vend.

LEXO EDHE:
Tatimi për profesionistët e lirë, debate në Kuvend! Tabaku: Taksa është e padrejtë! Braçe: Pse një mjek në shtet paguan tatim, e një ‘i lirë’ jo?!

Sot, pas 27 vitesh Shqipëria ende kërkon të ndërtojë të ardhmen e saj brenda Bashkimit Europian, por qeveria që e drejton prej pesë vitesh vazhdon të qëndrojë në vend-numëro.

Rekomandimi për hapjen e negociatave me kusht që iu dorëzua sot qeverisë Rama është një dështim i asaj çfarë qeveria premtoi këtu e pesë vite të shkuara. Por një dritë jeshile e Europës që ende shpreson se rekomandimi i kushtëzuar do të bëjë më përgjegjëse qeverinë aktuale karshi ëndrrës dhe dëshirës së shqiptarëve.

Raporti evidenton qartë se Komisioni do të vëzhgojë imtësisht ritmin aktual të reformës në drejtësi si një pikë kyçe e një shteti ligjor, sikundër i rikujton qeverisë pesë prioritetet të cilat zënë vend të veçantë në bilancin e vendit përballë Europës.

Ndonëse përballë këtyre sfidave deri më tani qeveria është dorëzuar. Mjafton të kujtojmë se përpjekjet e qeverisë ndaj pesë prioriteteve të BE-së (reforma e sistemit të drejtësisë, reforma e administratës publike, lufta ndaj korrupsionit, lufta ndaj krimit të organizuar, dhe mbrojtja e të drejtave të njeriut) janë të barabarta me zero.

Mjafton të kujtojmë se përpjekjet e qeverisë për zbatimin e reformës në administratë publike janë në fakt përpjekje të qeverisë për të “marrë tepsinë për veten e saj”. Beteja e qeverisë ndaj krimit të organizuar në fund të ditës është shndërruar në një betejë të qeverisë për të mbrojtur ish ministrin e brendshëm të akuzuar për bashkëpunim në trafikimin e lëndëve narkotike.

Jo më larg se një ditë më parë, ministri i brendshëm Xhafaj doli përkrah kryebashkiakut Sejdini që akuzohet për përfshirje në grupet kriminale. Ndërkohë që krimi i organizuar godet në forma inceneratorësh dhe jo vetëm qytetarët shqiptarë si në xhepat e tyre ashtu edhe në cilësinë e jetës. Pa folur më pas për mbrojtjen e të drejtës së pronësisë (përfshirë në të drejtat e njeriut) ku qeveria angazhohet të nxjerrë ligje në kundërshtim me të Drejtat e njeriut.

Për ta thënë më qartë; duhet një përpjekjet titanike nga qeveria për të kaluar këtë hendek! Kjo është hera e tretë që Shqipërisë i sugjerohet nga Komisioni hapja e negociatave. Në 2013 u rekomandua marrja e statusit të vendit kandidat dhe hapja e negociatave por vendet anëtare vendosen vetëm për marrjen e statusit të vendit kandidat. Në nëntor 2016 përsëri komisioni rekomandoi hapjen e negociatave me kusht zbatimin e plotë të reformës në drejtësi mbas ndryshimeve kushtetuese të miratuara me konsensus.

Partia Demokratike beson se Shqipëria e ka vendin në Europë, për sa kohë të jetë në opozitë nuk ka për ta penguar këtë proces. Përkundrazi, siç e ka treguar do ta mbështesë pa hezitim. Ndonëse edhe një herë i takon përgjegjësia forcës qeverisëse për të bindur vendet anëtare.

Jorida Tabaku, deputete e PD 

Teksa Komisioni Europian ka vlerësuar ecurinë e Shqipërisë në progres-raport dhe ka rekomanduar hapjen e negociatave pa kushte, tjetër mendim ka shpalosur Lëvizja Socialiste për Integrim. Kreu i grupit të kësaj force politike Petrit Vasili, ka reaguar pas vendimit ku thotë se ”Arroganca, paaftesia, kapja e drejtesise dhe korrupsioni i qeverise jane premisa edhe me negative, qe rrezikojne qe pas ketij hapi perpara te prillit 2018, te behen hapa te tjere pas ashtu sic ndodhi me rekomandimin historik te nentorit 2016”.

Mes të tjerash, Vasili shton se çdo ekzaltim, trimfalizëm apo keqpërdorim i këtij rekomandimi do të zhyste vendin në pasiguri të reja, instabilitet ekonomik dhe social edhe me të rëndë. 

Rekomandimi pozitiv i KE te mos jete nje hap para dhe dy pas.

Rekomandimi pozitiv per hapjen e negociatave per anetaresim ne BE duhet te mos jete kurrsesi nje hap para dhe dy hapa pas.

Shqiperia ka pasur nje moment historik ne nentor 2016 kur absolutisht per here te pare ne historine saj te procesit te integrimit europian ajo mori nje rekomandim pozitiv per hapjen e negociatave.

Por qe nga ai hap i pare pozitiv te tjera hapa shume te renda prapa beri Shqiperia sepse krimi i organizuar dhe trafiku i droges u shnderruan ne probleme kritike per vendin.

Arroganca, paaftesia, kapja e drejtesise dhe korrupsioni i qeverise jane premisa edhe me negative, qe rrezikojne qe pas ketij hapi perpara te prillit 2018, te behen hapa te tjere pas ashtu sic ndodhi me rekomandimin historik te nentorit 2016.

Ndaj cdo ekzaltim, trimfalizem apo keqperdorim i ketij rekomandimi do te zhyste vendin ne pasiguri te reja, instabilitet ekonomik dhe social edhe me te rende. 

 Petrit Vasili, kryetar i grupit parlamentar të PS

TAG:
• Jorida Tabaku

Sondazhi i ditës:

Si e vlerësoni takimin e Ramës me shqiptarët në Athinë?

• Të nevojshëm

  69%

• Të panevojshëm

  24.6%

• Nuk e di

  6.4%

Vota total: 3383

• Sondazhi i ditës:

  Si e vlerësoni takimin e Ramës me shqiptarët në Athinë?

  Të nevojshëm Të panevojshëm Nuk e di