“Nuk ka mjekë specialistë, nuk ka gjinekologë, kardiologë, mungojnë edhe shumë specialistë të tjerë. Ju e patë vetë është një infrastrukturë e shkatërruar. Nuk është nuk është spital, as qendër shëndetësore nuk mund t’i thuash. Është një spital që i shërben 45 mijë banorëve, është një spital që shërben 2 qytete minatorësh, Krastës dhe Bulqizës. Ka mbi 3500 minatorë të cilët çdo ditë mund të kenë aksidente dhe nuk ka kirurgë. Mendoni se si mund të pritet një lindje, vijnë qytetarët nga Ostreni apo nga Martaneshi dhe nuk gjejnë mjekun specialist dhe sorollaten nga Spitali i Bulqizës në Spitalin e Peshkopisë dhe nga Peshkopia në Tiranë. Ka dy vjet që nuk bëhet asnjë investim. Nuk ka shtretër, nuk ka aparat kardiologjie, ka mungesë ilaçesh, nuk ka batanije”, tha Keta.
Në maternitetin e Pogradecit, deputetja e PD, Eleina Qirici u shpreh se spitali është jashtë funksionit, ndërsa nënat e reja i kryejnë lindjet në spitalin e Ohrit.
“Këtu gjendja është e papërballueshme, nuk ka ku të shkojë më keq se kaq. Stafi është i përkushtuar por ata nuk mund të bëjnë asgjë përballë vështirësive dhe mungesave të shumta. Materniteti është institucioni ku lind jeta dhe nuk mund të funksionojë me sallën e lindjes pa kushte dhe me çdo pajisje e mjedis jashtë funksionimit,” tha Qirici.
Redaksia Online
(u.s/shqiptarja.com)