PDIU del vetëm për 'Vendoret', Idrizi: S’përfshihemi në përçarjen e PD-së, u kërkojmë të gjithëve mos të votojnë kandidatin e Berishës për Himarën

Një ditë pasi Berisha e cilësoi PDIU-në në ‘zonën gri’, pra të pa vendosur në lidhje me zgjedhjet e 14 majit, kryetari Shpëtim Idrizi ka sqaruar se do të dalë i vetëm për vendoret. Përmes një postimi në rrjete sociale, Idrizi thotë se nuk do të bëhet me asnjë prej partive të mëdha ndërsa nënvizoi se ka qenë i qartë lidhur me përçarjen e PD-së.

Por kreu i çamëve nuk ëshë i vetmi aleat opozitar i distancuar nga Partia Demokratike, që nga koha kur Sali Berisha mori drejtimin e selisë blu. Të ndarë nga ai, në zgjedhje shkojnë edhe LZHK e Dashamir Shehit, Partia Agrare Ambientaliste apo Bindja e Astrit Patozit. Deri më tani, Berisha nuk ka firmosur as me më besnikun e së djathtës, Fatmir Mediun.

“Bazuar në ndryshimet e fundit Kushtetuese për heqjen e koalicioneve, PDIU ka marrë vendimin që të dalë e vetme në zgjedhje.

Më duhet të theksoj që PDIU nuk është kontaktuar asnjë herë, nga asnjë nga dy palët e PD-së, për të kërkuar bashkëpunimin e saj.

PDIU e ka bërë të qartë që nuk përfshihet dhe nuk mban anë në debatin e brendshëm në PD, por në mënyrë të përsëritur ka bërë thirrje, që ata që flasin në emër të demokratëve e kanë detyrë që të bashkohen e të sjellin një forcë solide në zgjedhjet që priten të mbahen.

Shqiptarët e Ҫamërisë e njohin mirë historinë e tyre dhe të të parëve të tyre dhe e dinë mirë se si i vrau e masakroi Napoleon Zerva me bandat e tij dhe se si tentoi ti vriste për së dyti Enver Hoxha dhe komunistët, por po kaq e padrejtë është dhe intimidimi, indiferenca e Partive Politike kryesore në këto 32 vite. Çështja Ҫame do të zgjidhet kur të gjitha partitë politike me mbështetjen e aleatëve tanë SHBA, BE dhe Britani e madhe,  të vendosin të parin interesin kombëtar dhe jo partiak a të liderve të tyre.”- shkruan ai.

Teksa thekson se nuk ka asnjë thirrje ndaj mbështetësve të partive për bindjet e tyre karshi partive, Idrizi u kërkon të gjithëve të mos votojnë Fred Belerin, kandidatin e Berishës për Himarën. Kreu i PDIU-së thotë se shqiptarët nuk mund të votojnë një njeri që bën fushatë me flamurin e ‘Vorio Epirit’.

“PDIU nuk i ka bërë kurrë thirrje mbështetësve të një partie tjetër politike se si duhet të votojnë, por sot është koha ti bëjmë thirrje shqiptareve të mos votojnë Fredi Bejlerin, njeriun e akuzuar për masakrën e Peshkëpisë dhe i dënuar me vendimin e Gjykatës Vlorë, me nr 224/24.9 2004 dhe me numër 302/ 26.12.2006, me 3 vite burg për dhunim të simboleve shtetërore shqiptare.

Shqiptarët nuk mund e nuk duhet të votojnë njeriun që bën edhe sot fushatë me flamurin e Vorio Epirit i cili advokon autonominë e Vorio- Epirit, që tenton të prekë tërësinë territoriale të Shqipërisë, atdheut tonë.”- shkroi Idrizi.

Skandali i fushatës së Fred Belerin, u denoncua fillimisht edhe deputeti i Partisë Demokratike, Kreshnik Çollaku. Deputeti i PD-së, është shprehur se Beleri haptazi ka shkelur sovranitetin e vendit duke përdorur për fushatë, flamurin e ‘vorio epirit’. Ai u kërkoi demokratëve të mos e votonin, ndërsa shtoi se duhet refuzuar nga çdokush një person i cili shkel integritetin territorial dhe sovranitetin kushtetues të vendit.

Video është bërë publike nga vetë kandidati kandidat i përbashkët i PD-së dhe PL në rrjetet e tij sociale. Ai u bën thirrje emigrantëve shqiptar që jeton në Samos të Greqisë që ta mbështesin, duke i premtuar zgjidhje të problemeve me të cilat ata përballen.

G.MO/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Cameria: 25/02/2023 11:50

    PDIU ka qene aleate e Berishes ne dy zgjedhje parlamentare edhe pasi PD i fali territor detar Greqise. Kjo eshte teresisht e pafalshme. Si mund te pretendosh se je force politike patriotike dhe te besh aleance per zgjedhje parlamentare me nje parti qe ka kryer tradheti kombetare? Distancimi nga aleati i Berishes ne Himare eshte e pamjaftueshme. Eshte thjesht nje perpjekje per te ruajtur imazhin fallco te nje partie patriotike. U kerkojm te gjitheve te mos votojn partine e Idrizit. Te mos votohet partia qe beri koalicion ne zgjedhje parlamentare me partine qe i fali territor Greqise.

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Mero Baze: Përpjekjet për të justifikuar 'marrëveshjen' që shuajti revolucionin

Mero Baze: Përpjekjet për të justifikuar 'marrëveshjen' që shuajti revolucionin