POP 5

Lajmet më të lexuara të 5 minutave të fundit

Politikë

Sot opozita publikon raportin final për reformën territoriale! PS e hapur për negocim vetëm me grupin e Alibeajt. PD-PS sa larg konsensusit?

Rikthehet me një axhendë intensive puna në Kuvendin e Shqipërisë. Fillimisht me dy komisione të posaçme, për reformat territoriale dhe zgjedhore, për t’i hapur rrugë pasdite seancës plenare, ku ligjvënësit do të shpalosin problematikat që kanë hasur nga takimet në terren me qytetarët.

Komisioni për Reformën Territoriale çel siparin e kësaj jave në Kuvendin e Shqipërisë. Prej orës 09:00 të mëngjesit të së hënës, do të jenë ekspertët e opozitës, që do të publikojnë raportin e tyre final. Partia Demokratike, grupimi i drejtuar nga Enkelejd Alibeaj, ka bërë tashmë të ditur se do të propozojë rritjen e numrit të bashkive nga 61 në 92 bashki dhe uljen e numrit të qarqeve nga 12 në 6 rajone. Rithemelimi i Berishës, nga krahu tjetër kërkon 95 bashki dhe 5 rajone.

Mazhoranca që rrugën e negocimit e ka të hapur vetëm për grupimin Alibeaj ka artikuluar së fundi se mund të lëvizë vetëm me një numër të vogël bashkish, nga qëndrimi i saj i parë të mos prekur ndarjen me 61 të tilla, që është aktualisht.

E paqartë mbetet nëse harta e re territoriale do të jetë e vlefshme për zgjedhjet lokale të vitit 2023 apo për të 2027-ës, pasi koha për miratimin e tyre është në limite.

Por e hëna nuk ndalet vetëm tek territorialja, pasi në ora 15:00’ vijon punën edhe Komisioni i Posaçëm i Reformës Zgjedhore. Pasi u mandatua në fillim të shkurtit, komisioni që bashkëdrejtohet nga Damian Gjiknuri dhe Enkelejd Alibeaj zhvilloi në qershor mbledhjen e parë, në gusht i mbaroi mandati 6 mujor, të cilin kuvendi në fillim të shtatorit e zgjati dhe me gjashtë muaj. Në mbledhjen e së hënës pritet që anëtarët e këtij komisioni të përcaktojnë kalendarin e punës dhe seancat dëgjimore.

Ndryshe nga “Territorialja”, zgjedhorja nuk ka presionin e kohës, pasi ndryshimet ligjore pritet të implementohen në zgjedhjet parlamentare të vitit 2025.

Pasdite, prej orës 17:00 Kuvendi do të mblidhet në seancë plenare. Deputetët janë të thirrur të ligjërojnë nga foltorja e kuvendit, problematikat e zonave të tyre pas javës së gjelbër që duhet ta kenë shfrytëzuar për takime me elektoratin.

SI.E./M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 23 Janar, 09:41

    Secila parti në zgjedhje me 46 deputetët e parë të fiksuar, si e vlerësoni?

Lajme të tjera



×

Lajmi i fundit

SHBA/ Senati konfirmon John Ratcliffe si drejtor të CIA-s

SHBA/ Senati konfirmon John Ratcliffe si drejtor të CIA-s

24 Janar, 07:17