POP 5

Lajmet më të lexuara të 5 minutave të fundit

Shëndeti

Pedalimi të mban të ri

Një studim i ri konfirmon që pedalimi jo vetëm që do të të bëjë të dukesh mirë, por do të të bëjë të dukesh dhe më i ri. I publikuar në gazetën e Psikologjisë, kërkuesit shkencor nga King’s College Londër dhe Universiteti i Birmingamit, 
Një studim i ri konfirmon që pedalimi jo vetëm që do të të bëjë të dukesh mirë, por do të të bëjë të dukesh dhe më i ri.

I publikuar në gazetën e Psikologjisë, kërkuesit shkencor nga King’s College Londër dhe Universiteti i Birmingamit, vërtetuan se çiklistët mbi moshën 55 vjeç “kanë nivele të funksioneve psikologjike që do t’i bëjnë ata më të rinj krahasuar me popullsinë në përgjithësi”.

Duhet të theksohet fakti se studimi është fokusuar në çiklistët të cilët ishin të rregullt dhe jo ata sporadikët, pra te ata që ishin të aftë të bënin 100 kilometra në më pak se 6.5 orë.

pedalimi

Kjo është një kategori e vogël çiklistësh.

Kërkuesit shkencorë i vendosën çiklistët në shumë teste dhe në fakt nuk arritën të përcaktonin moshën e tyre përmes matjeve të ndryshme, çdo gjë varionte nga njëri tek tjetri dhe pa asnjë lidhje me moshën.

Por, Profesor Norman Lazarus thotë: “Në mënyrë të pashmangshme trupat tanë bien me moshë, por duke qëndruar fizikisht aktivë i krijojmë vetes mundësinë që të fitojmë disa vite jetë krahasuar me njerëzit që bëjnë jetë sedentare.

Pedalimi jo vetëm që të mban mendërisht aktiv, por kërkon gjithashtu edhe bashkërendimin e disa sistemeve të trupit, si muskujt, zemrën dhe mushkëritë, për të cilat ne kemi nevojë për të qëndruar të shëndetshëm dhe për të reduktuar prekjen nga disa sëmundje”.

Pedalimi

Studimi edhe një herë konfirmon atë që ne e dimë, por të pakonfirmuar: njerëzit plaken në shkallë të ndryshme, por nëse ti je aktiv fizikisht dhe mendërisht, do të jesh më i ri.

Profesor Stephen Harridge konkludon: “ Për shkak se shumica e popullsisë është shumë sedentare, tendenca shkon drejt pranimit të faktit se sedentarizmi është i pashmangshëm për kushtet e njerëzimit.

Megjithatë, duke patur parasysh se trashëgimia jonë gjenetike rrjedh nga një periudhë me aktivitet të lartë fizik, të jesh fizikisht aktiv duhet konsiderohet si një çelës suksesi në ruajtjen e shëndetit dhe mirëqënies gjatë gjithë jetës”.

Me fjalë të tjera, merr biçikletën, ec, vrapo ose çfarë të duash.

Thjesht, lëviz nga kolltuku dhe lëre makinën.
Redaksia Online
(Marrë nga ATSH)
 
 

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Afera Partizani/ Iu refuzua shfuqizimi i masës së sigurisë, Kushtetuesja zbardh vendimin për Jamarbër Malltezin

Afera Partizani/ Iu refuzua shfuqizimi i masës së sigurisë, Kushtetuesja zbardh vendimin për Jamarbër Malltezin

15 Janar, 18:50