POP 5

Lajmet më të lexuara të 5 minutave të fundit

Sport

'Penalltia s'ishte', Hallaçi konteston humbjen e Kukësit! Shehi për 'Report TV': Në këtë ndeshje kishte presion

Një gol me penallti në minutat e fundit i dha fitoren kundër Kukësit dhe vendin e parë në renditje Tiranës. Mirëpo pas ndeshjes, për Report TV trajneri i verilindorëve Rrahman Hallaçi thotë se 11 metërshi nuk ishte. Sakaq më herët Partizani gaboi me Egnatian, pasi rrogozhinasit barazuan në shtesë.

Tirana është rikthyer në krye të Superligës në javën e 28, pasi bardheblutë mposhtën 2-1 Kukësin në ‘Elbasan Arena’. Kjo e kombinuar me barazimin e Partizanit në Rrogozhinë. Kampionët në fuqi e panë vetën në vështirësi në minutën e 51 kur Rashiti barazoi për Kukësin pas golit të Ardit Hilës, por në minutat e fundit një gol i Florent Hasanit me penallti i dha 3 pikët e vyera të besuarve të Orges Shehit.

Megjithatë ky episod la zhgënjim te trajneri i Kukësit Rrahman Hallaçi, i cili për ‘Report TV’ pas ndeshjes u shpreh:

“Nuk jam ende i qartë ne lidhje me 11 metërshin. Lojtari nuk e ka prekur topin me dorë. Ndoshta mund ti kenë rënë në sup, në kokë. Nga koka në sup, por supi nuk ikën dot nga pjesa e trupit,”-u shpreh Rrahman Hallaçi, trajner i Kukësit.

“Tre pikët janë shumë domethënëse, të rëndësishme për vendin ku jemi. Luanim të fundit dhe dihet që presioni shkon te kjo ndeshje. Gjatë kampionatit kemi patur shumë ndryshime pozicionesh, por kjo është faza më e rëndësishme,”-tha Orges Shehi, trajner i Tiranës.

Më herët Partizani humbi kreun për shkak të barazimit 1-1 me Egnatian. Të kuqtë shënuan në minutat e para me Christian Mba, por kur arbitri po bëhej gati të mbyllte sfidën Zejnulai shtangu kryeqytetasit dhe bëri që rrogozhinasit të mos dilnin pa pikë nga ky takim.

Pas 28 javësh Tirana udhëheq me 50 pikë, 2 më shumë se Partizani ndjekës, ndërsa Egnatia renditet e treta me 42 pikë. 1 më pak ka Vllaznia që këtë fundjavë mposhti 3-1 Erzenin. Sakaq po të dielën Laçi përmbysi 1-2 Teutën, ndërsa në vendin e fundit qëndron Kastrioti, që për shkak të situatës së krijuar me arbitrat ndeshjen e kësaj jave kundër Bylisit s’e ka luajtur. Kjo do ishte një përballje për mbijetesë pasi Bylisi renditet i nënti me 2 pikë më shumë se krutanët.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Tragjedia në Shkodër, a duhet gratë të denoncojnë çdo formë dhune?

Lajme të tjera



×

Lajmi i fundit

IDF: Ne vazhdojmë të përgatisim operacionin tokësor në Rafah

IDF: Ne vazhdojmë të përgatisim operacionin tokësor në Rafah

6 Maj, 20:50