“Këto ndryshime mund të përmblidhen në tre kategori kryesore: Së pari ato synojnë harmonizimin e efekteve financiare të skemës. Së dyti synojnë të rregullojnë më mirë trajtimin financiar të funksioneve dhe detyrave të krahasueshme; Së treti të bëjnë disa rregullime teknike, referuar disa problemeve që kanë dalë gjatë zbatimit të këtij ligji në praktikë.
Dëshiroj t’ju sqaroj se dhe ndryshimi i këtij ligji do të bëhet duke zbatuar të njëjtin parim, që ka ndjekur e gjithë reforma e sistemit të pensioneve, pra parimi që të drejtat e fituara nuk preken. Ndryshim thelbësor që sjell ky ligj është rritja e moshës për daljen në pension të funksionarëve të lartë nga 55 në 60 vjeç”, - tha Veliaj para deputetëve.
Debatet
Diksutimet për ligjin për pensionete zyrtarëve nuk kanë kaluar pa debate mes deuptetëve. Deputeti i Partisë Demokratike Sherefedin Shehu akuzoi qeverinë se po rrit moshën dhe kontributin me 1% për zyrtarët e lartë, por po rrit dhe pensionin e tyre, duke ulur atë të qytetarëve.
Kjo deklaratë ka sjellë dhe reagimin ashpër të Kryetarit të Komisionit të Ekonomisë Erjon Braçe. “Si nuk e kupton që je bërë i tepërt në këtë komision’, - iu drejtua Braçe deputetit të PD-s, Sherefedin Shehu. Edhe ministri Erion velaij kundërshtoi deklarat e deputetit të PD-s, duke theksuar se projektligji ka për qëllim që deputetët të dalin në pension njësoj si qytetarët e tjerë. Projektligji është miratuar nga Komisioni i Ekonomisë vetëm me votat e mazhorancës.
Projektligji
Në projektligjin e propozuar nga qeveria përcaktohet gjithashtu se duke filluar nga data 1.1.2032, mosha e përfitimit rritet me nga 6 muaj për çdo vit, deri në arritjen e moshës 63 vjeç. Masa e pensionit shtetëror suplementar për presidentin, kryetarin e kuvendit dhe kryeministrin do të jetë 25 % e pagës referuese, edhe nëse periudha e shërbimit është më e vogël se dy vjet, dhe 5 % më shumë për çdo vit shërbimi mbi dy vjet. Ndërsa për zyrtarët e tjerë që bëjnë pjesë po në grupin e parë kjo masë do të jetë 25% e pagës referuese për 2 vjet shërbim dhe 5 % më shumë për çdo vit shërbim mbi këto 2 vjet.
Redaksia Online
(g.f/Shqiptarja.com)