POP 5

Lajmet më të lexuara të 5 minutave të fundit

Kronikë

Peqin/ Grabiten tre shtëpi në fshatin Trash; hajdutët marrin vaj ulliri, raki dhe mjete motorike

Grabitjet janë kthyer në fenomen shqetësues për qytetarët shqiptarë. Në orët e para të së premtes pre e grabitësve kanë qenë tre familje, të cilave iu janë marrë vegla pune, vaj ulliri dhe raki. 

Tre familje në fshatin Trash të njësisë administrative Shezë në rrethin e Peqinit kanë rënë pre e grabitjes gjatë orëve të para të mëngjesit të së premtes.

Familjet e Asllan Baho dhe vëllezërve Adriatik dhe Neshat Çullhaj, banues në fshatin Trash, i cili ndodhet tre kilometra larg nga rruga nacionale Elbasan-Peqin, kanë njoftuar policinë sapo kanë konstatuar se banesat e tyre janë bastisur, pasi gjatë kohës së grabitjes ata kanë qenë në gjumë.

"Natën jemi grabitur. Kam qenë në gjumë, por ai që ka ardhur ka qenë i përgatitur për të vjedhur sepse përndryshe do na kishte vrarë", është shprehur Asllan Baho. "Nuk i kemi ndjerë sepse kanë përfituar nga zhurma e erës së natës dhe nga zhurma e llamarinës që janë përreth ", ka thënë njëri prej vëllezërve Çullhaj.

Policia ka mbërritur menjëherë në vendngjarje dhe ka kryer të gjitha procedurat e nevojshme, duke shoqëruar fillimisht disa persona. Janë shoqëruar edhe familjarët dhe fqinjët e familjeve që janë vjedhur, duke u marrë deklaratat rreth grabitjes. Sipas dëshmisë së dhënë, atyre u janë grabitur rreth 400 litra vaj ulliri, 200 litra raki, si dhe mjete motorike të cilat i përdornin për bujqësi. Sipas familjarëve të prekur, vlera e dëmit i kalon 5 milionë lekë të vjetra.

Kjo nuk është hera e parë që në fshatin Trash ndodh një ngjarje e tillë. Sipas banorëve, është e disata herë që në këtë zonë kryhen vjedhje të këtij lloji.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • albacode: 04/01/2019 22:37

    kto qe vjedhin ne keto zona kan dhe mbeshtetje nga ana e policis rasti me konkrekt ka qen dhe vjet kur nje furgon esht kapur nga policia e peqinit me pula e gjela deti te vjedhura ne kto zona dhe grupi i gacem ka mar urdher menjeher nga shefi qe te lihet i lir dhe nese dikush guxonte me hap gojen ishe shkarkuar ne vend

    Përgjigju
  • Vertet e tmerreshme...: 04/01/2019 19:12

    Ç'fare fytyrash, puro turq e mongole... E keto i thone vetes shqiptare?!!... O tempora o mores...

    Përgjigju
    • Anton: 05/01/2019 02:15

      Jane nga Elhashani Puro iliro pellazg

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Udhëhoqi operacionin ushtarak për rrëzimin e Bashar al-Assad, Ahmed Al-Shaara bëhet president i përkohshëm i Sirisë

Udhëhoqi operacionin ushtarak për rrëzimin e Bashar al-Assad, Ahmed Al-Shaara bëhet president i përkohshëm i Sirisë

29 Janar, 23:01