Vladimir Putin, nuk ka ndërmend të tërhiqet, edhe pse gjithë bota i është vënë kundër, duke mos kursyer sanksionet e rrepta ekonomike. Sulmi i parapërgatitur ndaj Ukrainës, nuk ishte surprizë as për Perëndimin, dhe as për ata që deri dje thonin se “bota e ka harruar luftën”. Të çmendur ka patur dje, ka sot, dhe do të ketë edhe nesër. Rëndësi ka që, të mos lejohen të vijnë në pushtet, apo të mos tolerohen “orekset” e tyre për ndryshime gjeopolitike. Lufta në Ukrainë nisi, dhe ka gjasa sipas analistëve ushtarakë “të zgjasë më shumë nga ç’pritej”. Kjo për faktin sepse Putin mbetet i vendosur (të paktën deri tani) në vendimin “për të arritur objektivat”. Putin, ditën e dytë të sulmit mbi Ukrainë, kërcënoi hapur fare vendet perëndimore me “kiametin”, duke kërkuar që ata të shihnin punën e tyre. Por lufta nisi, dhe duket sikur “troket” psikologjikisht paksa edhe në Ballkanin e trazuar disi. Ukrainasit zunë vendstrehimet dhe vendet e fortifikuara, që sipas dëshmitarëve atje “nuk janë të pakta dhe aspak të dëmtuara”. Ukraina është vendi, që ka përjetuar luftra të tmerrshme, duke mos harruar atë të Luftës Dytë Botërore, ku ajo asokohe ishte pjesë e BRSS.
Sikur të mos ishin bunkerët dhe fortifikimet nëntokësore, me sulmet e pamëshirshme ruse, do të ishin vrarë deri sot, mijëra vetë të pafajshëm. Ata i kanë ruajtur vendstrehimet, vendet e fortifikuara, apo siç ne i quajmë edhe sot me tallje “bunkerët e diktatorit”. Duke harruar se “diktatori” nuk do të jetonte me shekuj, dhe gjithçka do të mbetej pas tij, dhe në emër të “liri-demokracisë”, Sali Berisha i pari dhe shpura e tij e maskarenjve, sapo erdhën në pushtet, shpallën si “kauzë” të tyre pas “çekut të bardhë”, edhe “ç’ bunkerizimin e vendit nga Enver Hoxha”. Ai luftoi me mullinjtë e erës, deklaronte se “në gjithë vendin janë mbi 3 milion bunkerë” kur në fakt nuk ishin as 70 mijë, dhe u bëri thirrje shqiptarëve “shkatërroni gjithçka që i përket asaj kohe”. Një makabritet, një tmerr i padëgjuar. Dinamit, matrapik, dhe deri bomba janë përdorur për shkatërrimin e tyre, por ishte e kotë, pasi cilësisht ato ishin perfekte, pikërisht për raste lufte. Por Sali Berisha, kishte një mision, dhe nuk mund të ndalej. Duhej të shkatërronte nga themelet, sistemin e fortifikimit, ushtrinë, bazat, tunelet, duhej shitur armatimi, municioni, duheshin shitur për skrap anijet ushtarake, flota detare, duheshin shitur topat, avionët, (ku disa prej atyre që ne kishim po i përdor akoma Ukraina sot), duheshin shembur pikat fortifikuese në zonat kufitare, dhe gjithçka të kthehej në zero.
Nën justifikimin “tash na mbron NATO”, Sali Berisha aspak nuk kishte një plan të tij, për ç’ka do të ndodhte me vendin pas shkatërrimit të asaj pasurie kombëtare. U bënë milionerë ai dhe ministrat e tij, por faturën e shkatërrimit të asaj pasurie që i takonte popullit, askush deri sot nuk po e paguan edhe sot. Në Kukës dhe Tropojë, gjatë luftës në Kosovë, me qindra familje u strehuan në “bunkerët” e diktatorit, dhe nuk gjenin derman, pasi situata e rënduar nga i çmenduri Milosheviç, mund të rrezikonte edhe popullsinë e Shqipërisë. Sistemi i fortifikimit, mbetet një prej planeve kryesore të programeve stradegjike të mbrojtjes në shumë vende të botës, duke përfshirë edhe ato Europiane anëtare të NATO.
Përderisa në botë, ka akoma fushata të ethshme armatimi, përderisa në botë, madje në Europën tonë, ka akoma diktatorë që mendojnë jo paqen, por rikthimin në perandorinë e dikurshme, që mendojnë zgjerimin dhe pushtimin, padyshim sistemi i fortifikimit mbetet një nevojë urgjente për çdo shtet dhe komb që aspiron dhe mbron paqen, lirinë dhe pavarësinë e tij. Jemi tallur boll me “bunkerët dhe fortifikimet e diktatorit”, por nuk ka ardhur koha që të mendojmë dhe veprojmë ndryshe, pas ngjarjeve të dhimbshme dhe të rrezikshme në Ukrainë?
Komente
Lajme të tjera
-
Lufta në Ukrainë/ Përplasje mes Bratislavës dhe Kievit, Zelensky: Fico dëshiron të ndihmojë Putinin
24 Dhjetor, 07:32 -
Seuli: Mbi 1000 koreanoveriorë të vrarë apo të plagosur duke luftuar për Rusinë
23 Dhjetor, 22:43 -
Kryeministri sllovak Fico takon Putinin, në një vizitë të rrallë nga një udhëheqës i BE-së në Moskë
22 Dhjetor, 21:25 -
Sulmi me dron në Kazan, Putin kërcënon sërish Ukrainën: Do përballen me shkatërrime më të mëdha ata që përpiqen të shkatërrojnë diçka në vendin tonë
22 Dhjetor, 16:45 -
Trump trysni për një marrëveshje që i jep fund luftës Rusi-Ukrainë
20 Dhjetor, 16:16 -
Lufta/ Vladimir Putin: Duhet ta kisha pushtuar Ukrainën më herët
19 Dhjetor, 19:47 -
Lufta në Ukrainë/ Putin: Gati për një ‘duel’ raketor me SHBA-në! Zelensky: Ai është një bastard
19 Dhjetor, 13:20 -
Atentat në Moskë, vritet gjenerali Kirillov dhe asistenti i tij! Ishte ngarkuar me ruajtjen e armëve bërthamore! Shpërthimi me 300 gr eksploziv pranë Kremlinit! Kievi pranon autorësinë
17 Dhjetor, 08:31 -
Lufta/ Merkel: S’e prisja që Putin ta pushtonte Ukrainën, të mos e lejojmë të fitojë! Rusia sulmon me 50 dronë, Kievi shkatërron kolonën armike të karburantit
16 Dhjetor, 09:11 -
Sirena lufte nga Putin, jo vetëm në fushëbetejë: Të gjithë janë kundër meje
14 Dhjetor, 18:32 -
Goditja e rëndë për Rusinë, si shërbimi sekret ukrainas eleminoi shkencëtarin e raketave të Putinit
14 Dhjetor, 15:36 -
Rënia e regjimit të Bashar al-Assad/ Diktatori do qëndrojë në një rezidencë sekrete në Moskë
13 Dhjetor, 19:12
hani patate tashi hyyy
PërgjigjuAsnje prej atyre qe Kane share enverin dhe fortifikimet si "paranoja te enverit",nuk duhet te lejohet te strehohet ne to.Perfshini ketu Edhe autoret dhe ideuesit e "bunkarteve".
PërgjigjuLavdi ne jet te jeteve atj njeriu shqiptarit me te madh i te gjitha koherave qe kur lindi bota e deri sa te shuhet ENVER HOXHA te ndrite shpirti atje ku je ...sa kollos qe ke qene ...cfar the dhe nuk u vertetua LAVDI.
PërgjigjuEnveri do te mbetet figure poliadrike ne zemren e popullit Shqiptar,I beri te gjitha Duke filluar nga cerdhe,kopshte,shkolla,gjimnaze,universitete,ambulance,maternitete,e spitale falas ne CDo cep te shqiperise,bunkiere e tunele per strehimin e popullsise,uzina,fabrija,kombinate mbushi rezervate shtetit zhduku analfabetizmin por me ne fund I dogji dhe I shkaterroi Sali Berisha me moton shkaterro CA te dale perpara,dhe e vulosi me hapjen e depove ne 1997 SA qe arriti deri aty qe ngrito verioret dhe I nisi te vrisnin Vloren e Ismail Qemalit,SA krime Jane bere,SA Ka hequr populli I shkrete,sot nuk gjen ne fshatra as edhe nje infermjeve te beje nje peniciline,ja pra SA shume beri Enver Hoxha per popullin e tije ,po keto te sotmit CA bejne edhe keto bejne shume vjedhin,pasurohen,bejne nderime e buste fashisteve dhe kolabricionisteve,dhe me e turpshmja ngrejne nje te tille edhe per Geraldine qe qendroj vetem nje bit ne shqiperi dhe u largua me floririn e vjedhur te shqiptareve,ja pra CA dallimi kemi kush asht Enver Hoxha ,
Bravo ????
PërgjigjuE vërteta është që i kanë tallur me qëllim për të përmbushur detyrat e vëna nga Serbia. Kështu u veprua me gjithë ekonominë e vendit. Udhëheqësit, ideatorët dhe organizatorët e shkatërrimit kryen detyrat që u ishin vënë nga armiqtë e vendit, turmat zbatuese ishin truboshët ose trushplarët.
PërgjigjuFiks.. Asnje presje nuk i heq..
I pa harruar o Enver Hoxhe
Përgjigju