POP 5

Lajmet më të lexuara të 5 minutave të fundit

Sport

'Për Conten është kohë e vështirë, humbi tre miq', drejtori i Tottenham: I drejtë shkarkimi

Antonio Conte u shkarkua pas më shumë se një viti nga stoli i Tottenham në Premier League. Trajneri italian e nisi mirë sezonin, teksa javët e fundit skuadra nuk po dilte te rezultatet e mira.

'Për Conten është kohë e vështirë, humbi tre miq', drejtori i Tottenham: I drejtë shkarkimi

Antonio Conte dhe Fabio Paratici

Antonio Conte u shkarkua pas më shumë se një viti nga stoli i Tottenham në Premier League. Trajneri italian e nisi mirë sezonin, teksa javët e fundit skuadra nuk po dilte te rezultatet e mira. Shkarkimi i tij edhe emërimi në stol i Cristian Stellinit është komentuar edhe nga drejtori sportiv, Fabio Paratici. Ai ka treguar periudhën e vështirë të Contes, nga humbja e tre miqve te operacioni.

“Ka qenë një sezon shumë i vështirë për Antonio Conte. Para pak javësh humbi jetën miku i tij Ventrone, më parë ishte Mihajlovic dhe Vialli. Në fund, iu desh edhe të operohej. Ishte një periudhë shumë e vështirë për Conten. Por, klubi e ka mbështetur gjithnjë edhe pse në fund duhej të merrnim një vendim së bashku. Ndarja erdhi me konsensus dhe mendoj se ishte vendimi i duhur për të gjithë", tha fillimisht italiani.

Më pas drejtori sportiv i Spurs u ndal edhe te emërimi në stol i Cristian Stellinit, ish-ndihmësit të Contes që ka shumë eksperiencë.

"Ka shumë eksperiencë si trajner i dytë edhe pse ka qenë i parë për disa kohë në të kaluarën. Megjithatë, në klub është edhe Ryan Mason që është prej vitesh pjesë e Tottenham dhe di gjithçka këtu te Spurs, ndaj mund ta ndihmojë Stellinin. Kam shumë besim te kjo dyshe. Sa i takon stërvitjes nuk do të ndryshojë asgjë sepse kanë mbetur edhe 10 ndeshje nga fundi i Premier League dhe nuk do të fitonim asgjë nëse ndryshojmë pasi nuk ka kohë mjaftueshëm", tha Paratici.

Më pas italiani foli edhe për tratativat për të afruar te Spurs ish-trajnerin e Bayern Munich, Julian Nagelsmann.

"Jemi të fokusuar vetëm tek Stellini dhe te fundi i sezonit sepse është shumë i rëndësishëm”, u shpreh Paratici.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça