POP 5

Lajmet më të lexuara të 5 minutave të fundit

Bota

Për herë të parë në jetë, gruaja më e gjatë në botë udhëton me avion

Me një rregullim të vogël të ndenjëseve, Rumeysa Gelgi më në fund hipi në një aeroplan për herë të parë në jetën e saj. Nuk ishte një rrugë e lehtë, por gruaja më e gjatë në botë e bëri udhëtimin e saj të parë me avion dhe ky ishte një moment të cilin 25-vjeçarja do e mbajë mend gjatë.   

Për herë të parë në jetë, gruaja më e gjatë në botë udhëton me avion

Rumeysa Gelgi me nënën e saj në avion

Me një rregullim të vogël të ndenjëseve, Rumeysa Gelgi më në fund hipi në një aeroplan për herë të parë në jetën e saj. Nuk ishte një rrugë e lehtë, por gruaja më e gjatë në botë e bëri udhëtimin e saj të parë me avion dhe ky ishte një moment të cilin 25-vjeçarja do e mbajë mend gjatë.  

Gelgi, e cila është në Librin e Rekordeve Guinness për shkak se është 2.15 metra e gjatë duhet të udhëtonte në SHBA për të bashkëpunuar me Guinness për një event dhe për të ndihmuar në zhvillimin e karrierës së saj profesionale si programuese dhe për këtë, 6 ulëse në avion u zëvendësuan me një barelë duke ia bërë ëndrrën realitet. Në këtë udhëtim 13 orësh për në San Francisko, ajo u shoqërua nga nëna e saj.

"Ky është fluturimi im i parë me avion dhe udhëtimi im i parë jashtë shtetit. Sepse siç e dini, opsioni i udhëtimit si pasagjer me barelë është përgjithësisht i rezervuar për pacientët që transferohen nga një repart në tjetrin. Është një alternativë për pacientët që referohen nga një spital në tjetrin dhe kanë nevojë për ambulancë. Megjithatë, për shkak se nuk mund të rrija ulur për periudha të gjata kohore për shkak të skoliozës më duhej të fluturoja me barelë”, tha ajo.

Gelgi jeton në Karabük, Türkiye, rreth 200 kilometra (124 milje) në veri të kryeqytetit, Ankara. Ajo thotë se po përdor titullin e saj të rekordit botëror për të mbrojtur dhe rritur ndërgjegjësimin si për sindromën Ëeaver, nga e cila ajo vuan, ashtu edhe për skoliozën. Ndërkohë, interesant është fakti që në Turqi jeton edhe burri më i gjatë në botë, ai është Sulltan Kosen, i cili është 2.51 metra.

Rumeysa Gelgi gjatë udhëtimit të saj me avion

 

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

I dërguari i BE për dialogun Kosovë-Serbi, Lajcak takohet me shefin e OKB-së Guterres: Folëm për Ballkanin Perëndimor

I dërguari i BE për dialogun Kosovë-Serbi, Lajcak takohet me shefin e OKB-së Guterres: Folëm për Ballkanin Perëndimor

9 Janar, 09:10