‘Për ne ishe i ngrohtë si diell’, nipi i tij u përplas për vdekje nga makina, postimi prekës i gjyshit të 15 vjeçarit në Sarandë: Na u shemb qielli mbi kokë

Gjyshi i 15 vjeçarit që u përplas për vdekje nga një automjet tip ‘Benz’ ndërkohë që shtynte makinën ‘Lancia’ pasi kishte pësuar një defekt ka bërë një postim prekës për ndarjen nga jeta të nipit të tij.

Si pasojë e ngjarjes së rëndë, drejtuesi 24 vjeçar i automjetit tip ‘Lancia’ ka mbetur i plagosur rëndë ndërsa është arrestuar 20 vjeçari që drejtonte automjetin tip ‘Benz’.

Postimi i gjyshit të të miturit që ndërroi jetë:

PËRSE IKE KELUUUSH ?

Kelush pse ike kaq shpejt në qiell?

Ti për ne ishe i ngrohtë si Diell…

Përse o Zot na e bëre gjithë këtë gjëmë?

O dhimbje sa një planet e rëndë?!

Buzëqeshjen tënde,dheu si mund ta tresë ?

Ike kelush i gjyshit,ike dhe na le pa shpresë

S’do ti shohim më kaçurelat e tua mbi ballë

Ti ishe bërë si div,ti ishe dy metër djalë !

Ooh ,çna e shkule shpirtin i bukuri Kelush

Digjemi nga dhimbja jote me shumë se prush!

Ç’qe që kjo gjëmë e zezë të ënjten në mbrëmje

S’ka masë që mund ta masë të këtillë dhembje !

O Keli ne na u shemb qielli dhe malet mbi kokë

Që mbrëmë, lotët për ty i derdhëm me okë..

Çohu e thuaj një fjalë mama Jones e babit Altin

Bëra shaka thuaju dhe hidhu në qafë me gëzim!

Përse o Zot,more Kelin,pesëmbëdhjetë vjeçarë

Ai ishte rob i Zotit ,ishte më i bukuri lastarë?

Oh sa ëndërra të bukura,tu prenë,Kelush në mes

Që mbrëmë u mbyllën përgjithmonë sytë e tu të zes!

Smund ta besoj,që sdo vish te gjyshi në Ksamil .

Ti për ne ishe vetë pranvera,më i bukuri trëndafil..!

Kelush,që ke pak orë që sje mesh,nuk dua ta besoj

Aromën tënde do ta ruaj në shpirt,deri sa të rroj !

Keli ,Kelush… Keliiiiii!

Lajmi kryesor:

Përplasi për vdekje të miturin që po shtynte makinën e 24 vjeçarit, arrestohet drejtuesi i ‘Benzi’-t që shkaktoi aksidentin tragjik në Sarandë

B.V/Shqiptarja.com

TAG:
• aksident me vdekje
• Elidon Aliu
• David Çepe
• sarande
• Vlore