Shumë nuk e kanë kuptuar e shumë të tjerë, në fakt shtiren sikur e kuptojnë problemin real te politikës shqiptare! Problemi i politikës shqiptare, në këto momente e pas 32 vitesh nuk është çështje numrash, sepse e kam thënë shpesh se autoritarët e diktatorët nuk kanë vështirësi për numra! Nuk janë problem numrat në një vend që nuk ka një demokraci që krijon frymëmarrje, sepse liderët e këtyre sistemeve ku padyshim bën pjesë edhe Shqipëria kanë krijuar një sistem të tërë ku të lirët nuk dalin lirshëm të kërkojnë atë që duan dhe kanë nevojë, e ndërsa ata që nuk janë të lirë për shkak të zgjedhjeve të tyre, janë ndonjëherë të shantazhuar e herë të tjera, me mëkatet e tyre janë pjesë e sistemit e nuk mund të dalin kundra, sepse fundi i sistemit me të drejtë konceptohet edhe si fundi i mundësive të tyre për privilegje!
Mitungu i sotëm, por e gjithë situata aktuale e politikës shqiptare dëshmon problemin reale:
Mungesën e përfshirjes së elitave të reja, të energjive të reja e të mendësive të reja! Sot, në stadium kishim ata që kemi pasur për 30 vjet me të njëjtën retorikë dhe ca të rinj që kanë braktisur idealet e tyre dhe kanë zgjedhur t'i shërbejnë një elite të konsumuar në kohë e në hapësirë!
Mungesa e një qasje të re dhe të një elite të re e ka futur demokracinë shqiptare në rutinën e stanjacionit që për fat të keq ju shërben vetëm politikanëve, por jo shqiptarëve!
Të gjithë ishin në akth për mitingun sot në stadium, disa shpresonin të dështonte e ca të tjerë po lumturoheshin me pjesëmarrjen! Në, fakt ata shqiptarë që janë të lirë e nuk mund të sillen si të tillë për shkak të sistemit që i ka rrethuar duhet të bëjnë një pyetje themelore do të thosha unë: ja u bo edhe ky miting, por ndodhi ndonjë gjë e re që kanë nevojë shqiptarët? Çfarë pritet të sjellë ky miting? Asgjë, riciklim të lidershipit që përtej çdo absurdi demokratik vazhdon të shtiret si alternativa e vetme! Në fakt, kanë të drejtë, sepse pikërisht me sistemin e tyre e kanë vra edhe alternativën e bashkë me të edhe shpresën! Një lider që i ka provuar të gjitha e qëndron po aty i palëkundur, ai nuk është i shqetësuar për situatën e qytetarëve të tij, por hall kryesor e të vetëm ka qëndrimin e tij me çdo kusht e në çdo rrethanë!
E kam thënë edhe herë të tjera, po pse kaq e varfër është Shqipëria me vlera të reja e me mundësi të reja sa duhet të vazhdojnë me të njëjtë personazhe e figura të stër provuara e të konsumuara? Shqipëria ka prodhuar në këto 30 vite figura me dimensione të larta profesionale e njerëzore, por për shkak të sistemit që është janë mbajtur larg ose kanë zgjedhur të mos bëhen pjesë!
Në vitet '90, shqiptarët betejen nuk e kishin vetëm me sistemin, por me dinastinë që e mbante atë, ku shumica e qytetarëve ishin numra ushtarësh në rast lufte, numra punëtorësh në rastin e punëve e aksioneve vullnetare e burokratë në shërbim të sistemit! Askush nga ne nuk e kishte munduar se në vitet '90 do të rrezonim një distanti të mbullyr nga bota që jetonte e izoluar në ish Bllok për ta zëvendësuar atë me një dinasti aktuale me bazë familjare e farefisnore që politikën e kanë kthyer në aktivitetin kryesor për interesat dhe shërbimet e tyre!
Nëse ndonjë shqiptar mendon se kjo dinasti që sot ishte në stadium e pjesa tjetër jashtë nën logon e PS se mund të munden me forma demokratike klasike e ka shumë gabim! Këta kanë krijuar atë që njohim ne demokraci, në fakt në mënyrë të tillë që kontrollohet nga ta dhe menaxhohet prej tyre!
A nuk ka vend të pyesim: përse kanë 30 vjet e duan të vazhdojnë të jenë përsëri aty? Një lider që ka shpirt demokratik e që beson në frymën e kësaj të fundit largohet vetë pasi të ketë pasur mundësi të qeverisë për ca kohë ose vite! Po atëherë këta pse nuk ikin me vullnetin e tyre? Sepse në kohën e gjatë të qëndrimit kanë prodhuar antivlera, fenomene të këqija e kanë bërë aksione të gabuara e për pasojë nuk kanë asnjë garanci se largimi i tyre mund të jetë paqësore! Pra, ata nuk largohen për hallet e tyre e jo sepse duan akoma tu shërbejnë shqiptarëve! Çdo lider që ka qenë gjatë në pushtet ai mund të jetë gjithkushi, por vetëm demokratik dhe i dashuruar pas vlerave të demokracisë nuk është!
Prandaj, nëse duam të shkojmë në Amerikë nuk duhet t'i bimë nga Kina! Zgjidhja më e mirë dhe imediate për shqiptarët është të largohen të gjithë këta që janë aty prej 30 vitesh! Të tjerat janë vetëm argumente pazari duke devijuar nga e vërteta!
Komente
Lajme të tjera
-
Po tani, ka drejtësi zoti Berisha ?
27 Nëntor, 22:37
-
Të burgosur prej vitesh në Kinë, lirohen tre amerikanët e burgosur, marrëveshja e rrallë diplomatike me Pekinin
27 Nëntor, 22:19 -
Deputeti i LDK: Veprimet e qeverisë Kurti, e kanë kthyer presionin e Perëndimit ndaj Kosovës
27 Nëntor, 22:16 -
GJKKO i hoqi 'arrestin shtëpiak' Berishës, Kthupi në 'Repolitix': Praktikë gjyqësore, dosja ka shkuar për hetim, Berisha nuk prish më provat! Gazetari: Bien akuzat e PD për kapje të drejtësisë
27 Nëntor, 21:39 -
Spahiu: Dyshoj se për 10 vjet, nuk ka gjykatë që guxon të dënojë Berishën dhe Ramën
27 Nëntor, 21:15 -
Elezi në Report Tv: Berisha nga Partia Komuniste, dështoi me protestën! Toska: Fije shprese për mbështetësit
27 Nëntor, 21:11 -
Agron Gjekmarkaj: Sami Repishti iku, la pas një monument
27 Nëntor, 20:40
-
'Ajo duket e dehur', amerikanët të habitur nga gjendja e Kamala Harris në videomesazh: Mesa duket stafi i saj e urren (VIDEO)
27 Nëntor, 20:23 -
Trump nominon gjeneralin e pensionuar Kellogg si të dërguar për Ukrainën dhe Rusinë
27 Nëntor, 20:11 -
Evi Kokalari reagon për lirimin e Berishës: Mos u gëzoni kot, s’ka lidhje administrata e Trump! Më intereson investigimi i kullës së malit, për atë më bënë kurban!
27 Nëntor, 19:10 -
Jakin Marena: Berisha ‘xhiroi bosh’ një vit, rikthim në pikën zero, pa kauza e alibi
27 Nëntor, 19:03
-
Ndahet nga jeta akitivisti shqiptaro-amerikan Prof. Sami Repishti, simboli i qëndresës ndaj torturave të komunizmit
27 Nëntor, 19:03
I qete
Përgjigju