Përballje anglo-spanjolle/ Villarreal-Manchester United, finalja e Europa League, jashtë Arsenali

Nuk ka finale angleze në Europa League. Në 26 maj në Poloni për trofeun prestigjioz do të luftojnë spanjollët e Villarreal dhe Manchester United ndërsa Arsenali mbeti jashtë. Roma e fitoi 3-2 gjysmëfinalen e kthimit ndaj Manchester United në “Olimpico” por kjo nuk mjaftoi pasi anglezët e kishin fituar 6-2 ndeshjen e parë dhe kaluan ata në finale. Dzeko, Cristante dhe Zalevski shënuan për verdhekuqtë në një ndeshje që mund të merrnin edhe më shumë por për kalimin në finale i pengoi De Gea me disa pritje spektakolare dhe Edinson Cavani që shënoi një dygolësh. Tentativa e Romës për përmbysje mbetet në mes ndërsa United “fluturon” në finalen e madhe.

Për herë të parë arrin në finalen e një kompeticioni evropian Villarreal që ia doli ndaj Arsenalit. Spanjollët e kishin fituar 2-1 ndeshjen e parë dhe mbrëmë rezistuan në barazim pa gola duke siguruar biletën për në finalen e 26 majit. Arsenali ngeci në shtyllë ndërsa rekord me vetë për trajnerin e Villarreal Unai Emery që në tetë vite do të luajë finalen e pestë të Europa League. Villarreal-Manchester United premton “luftë” dhe spektakël për trofeun e Europa League./ Përgatiti Andi Kapxhiu

K.T./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Në 2 muaj, bizneset dhe qytetarët morën 516 mln euro kredi, u dha 166 mln € më shumë se vjet

Në 2 muaj, bizneset dhe qytetarët morën 516 mln euro kredi, u dha 166 mln € më shumë se vjet